Трамп Зеленскийга Путин билан учрашиш учун Москвага боришни таклиф қилди – Блоомберг

Трамп Зеленскийга Путин билан учрашиш учун Москвага боришни таклиф қилди – Блоомберг

Доналд Трамп Владимир Зеленскийдан Россия президенти Владимир Путин билан учрашиш мақсадида Москвага боришни сўраган, деб ёзади Блоомберг манбаларга таяниб.

Агентлик суҳбатдошларига кўра, Трамп бу таклифни Украина раҳбари билан Ню-Ёркда БМТ Бош Ассамблеяси доирасидаги учрашуви вақтида билдирган. Зеленский эса бу таклифни қабул қилмаган.

Украина президентига яқин манбалар айтишича, Трампнинг Москвага бориш ҳақидаги таклифи Зеленскийни ранжитган.

Кремл Путин ва Зеленский учрашуви фақат Москвада бўлиши мумкинлигини бир неча бор таъкидлаган. Хусусан, 23-сентябр куни Россия президенти матбуот котиби Дмитрий Песков: “Бизнинг позициямиз яхши маълум. Путин айтганидек, Зеленский истаса, Москвага келиши мумкин. Унга зарур хавфсизлик кафолатлари тақдим этилади”, деган.

2026-йил июнида Путин Зеленский россиялик тадбиркорлардан бири орқали уни шахсан учрашувга таклиф қилганини айтганди. Кейинроқ бу тадбиркор Роман Абрамович экани маълум бўлган. Россия президенти учрашувдан ҳеч қачон бош тортмаганини, бироқ “гапни беҳуда айлантириб ўтиришни” истамаслигини билдирган.

Аввалроқ Зеленский Трамп маъмурияти Украинадаги уруш кескинлигини камайтириш учун учта таклиф берганини айтганди. Улардан бири АҚШ, Россия ва Украина вакиллари иштирокида уч томонлама музокаралар ўтказишни назарда тутади. Учрашув учун эҳтимолий жой сифатида Абу Даби тилга олинган. Зеленский Киев ушбу таклифга бажонидил рози бўлишини айтган.