Кривий Рихда савдо марказига ҳужум: 130 киши яраланди
Россия қўшинлари 21-август куни Украинанинг Кривий Рих шаҳридаги энг йирик савдо марказига дронлар билан икки марта зарба берди. Украина расмийларининг сўнгги маълумотларига кўра, ҳужум оқибатида 15 киши ҳалок бўлган, 130 киши, жумладан 23 нафар бола жароҳатланган.
Кривой Рогдаги савдо марказига ҳужум: 130 киши жароҳатланди
Украина президенти Владимир Зеленский ва маҳаллий ҳокимият вакилларининг хабар беришича, 21-август, жума куни Кривой Рогдаги йирик савдо марказига ярим соат ичида икки марта дрон ҳужуми уюштирилган.
Сўнгги маълумотларга кўра, ҳужумлар натижасида 15 киши ҳалок бўлган, яна 130 киши жароҳат олган. Яраланганлар орасида 23 нафар бола бор. Шунингдек, 29 нафар жабрланувчининг аҳволи оғир экани, уларнинг беш нафари болалар экани маълум қилинган.
Кривой Рог мери Александр Вилкул маҳаллий вақт билан соат 15:39 да савдо марказига зарба берилгани ҳақида илк бор хабар берган. Унинг сўзларига кўра, ҳужумдан сўнг бинода ёнғин бошланган ва кўплаб одамлар жабрланган. Воқеа жойида фавқулодда қутқарув ишлари бошланган.
Кўп ўтмай, соат 15:57 да Вилкул савдо маркази биносига такрорий ҳужум амалга оширилганини маълум қилган.
Украина президенти Владимир Зеленскийнинг билдиришича, зарба берувчи дронлар икки тўлқинда ҳужум қилган. Биринчи зарба ва ундан кейин келиб чиққан ёнғиндан тахминан ярим соат ўтгач, иккинчи зарба берилган. Зеленскийнинг таъкидлашича, такрорий ҳужум қутқарув хизматлари иш олиб бораётган пайтда содир бўлган.
Днепропетровск вилояти ҳарбий маъмурияти раҳбари Александр Ганжа эса Кривой Рогдаги ҳужумдан кейин вилоятда сўнгги бир сутка давомида содир бўлган зарбалар оқибатлари ҳақида маълумот берган.
Унинг сўзларига кўра, бир сутка ичида вилоятнинг тўрт туманига қарийб 60-марта дронлар, артиллерия ва авиация бомбалари билан ҳужум қилинган.
Зарбалар оқибатида кўп қаватли турар жой биноси, хусусий уйлар ва автомобиллар ҳам зарар кўрган. Ҳужумлар етказган зарарнинг тўлиқ кўлами ва бошқа оқибатларига оид маълумотлар аниқлаштирилмоқда.