Криштиану Роналду ўғли илк бор Португалия У-17 терма жамоасидан чақирув олди
Португалия ўсмирлар терма жамоасининг ўқув-машғулот йиғини 6–17-ноябр кунлари бўлиб ўтади.
Криштиану Роналду ўғли Португалия У-17 терма жамоасидан илк чақирувни олди
Беш карра “Олтин тўп” соҳиби Криштиану Роналдунинг тўнғич фарзанди Криштиану Жуниор илк марта Португалия У-17 терма жамоаси таркибига киритилди. У 2027-йилги Европа чемпионати саралашининг биринчи босқичида қатнашадиган футболчилар рўйхатидан ўрин олди.
Португалия ўсмирлар терма жамоасининг ўқув-машғулот йиғини 6–17-ноябр кунлари ўтказилади. Саралашнинг биринчи босқичида португалиялик футболчилар Андорра, Болгария ва Сербия терма жамоаларига қарши майдонга тушади.
Аввалроқ ОАВда кичик Криштиану Роналдунинг ўсмирлар терма жамоасига чақирилмагани унинг отаси сентябр ойи охирида Португалия миллий терма жамоаси йиғинини тарк этишига сабаб бўлган омиллардан бири экани ҳақида хабарлар тарқалган эди.
Маълумот учун, Криштиану Жуниор 2010-йил июн ойида туғилган. У Саудия Арабистонининг “Ан-Насср” клуби ёшлар жамоасида ҳужумчи сифатида ўйнайди. Клубнинг асосий жамоасида эса унинг 41 ёшли отаси Криштиану Роналду тўп суради.