Роналду бўш дарвозага гол уролмади, Исроилда аҳмоқона қизил
Клопп ва Хави Германия ва Нидерландия миллий жамоалари бошқарувидаги дебютида ўзаро тўқнашди. Роналду фаолиятидаги 980-голни ура олмасдан майдонни тарк этди. Ҳоланд эса йўлидан чиққан рақибга гол уришда давом этмоқда: у миллий жамоадаги 56-ўйинида 63 ва 64-голларини уришга эришди.
Роналду бўш дарвозага гол ура олмади, Исроилда эса аҳмоқона қизил карточка қайд этилди
Пайшанба оқшомида Миллатлар лигасининг 1-тур учрашувлари бошланди.
Сардор майдонни голсиз тарк этди
Португалия – Уелс 1:0
Жоау Феликс, 22 (1:0)
Португалия: Кошта, Рубен Диаш, Вейга, Нуну Мендеш (Нуну Тавареш, 79), Жоау Канселу (Далот, 90), Рубен Невеш (Палиня, 68), Витиня, Бруну Фернандеш (Жоау Невеш, 90), Педру Нету, Криштиану Роналду (Рамуш, 68), Жоау Феликс
Уелс: Уорд, Девис, Кабанго (Мефам, 71), Дасилва, Уилямс, Ампаду, Шихан, Жонсон, Брукс (Д. Жеймс, 63), Кумас (Мур, 77), Ж. Жеймс (Томас, 77)
Криштиану Роналду учун қадрдон бўлган «Жозе Алваладе» стадионида унинг миллий жамоа билан хайрлашиши ҳақидаги хабарлар асоссиз бўлиб чиқди. 41 ёшли футболчи шу куни Португалия сафида 234-ўйинини ўтказди ва бу унинг охиргиси эмас.
Трибуналардаги мухлислар унинг ҳар бир тўпга тегишини олқиш билан кутиб олишди, бироқ у ўйин бошида қулай вазиятдан фойдалана олмади. Ҳисобни эса унинг «Ан-Наср»даги жамоадоши Жоау Фелиш очди: яримҳимоячи 22-дақиқада жарима майдони ташқарисидан йўллаган зарбаси рақиб ҳимоячисига тегиб, йўналишини ўзгартирди ва пастки бурчакка кириб борди.
Криштиану Роналду иккинчи бўлим бошида фаолиятидаги 980-голини уришга жуда яқин келди, аммо деярли бўш дарвоза қаршисида турган ҳолда тўпни юқорига тепиб юборди.
Кейин у Бруно Фернандешнинг узатмасидан сўнг дарвозани ишғол қилганида эса кичик офсайд қайд этилди.
Шу тариқа Португалия сардори майдонни голсиз тарк этди — мураббий уни 67-дақиқада алмаштирди. Шунга қарамай, португаллар ғалабали ҳисобни сақлаб қолди ва титул ҳимоясини муваффақиятли бошлади.
Норвегия – Дания 3:2
Бобб, 14 (1:0). Ҳоланд, 18 (2:0). Дамсгор, 25 (2:1). Ҳойлунд, 60 (2:2). Ҳоланд, 74 (3:2)