Крандан оқаётган жигарранг сув. Veolia Тошкент аҳолисининг шикоятларига изоҳ берди
Крандан жигарранг сув келмоқда. Veolia Тошкент аҳолисининг шикоятларига муносабат билдирди
Бугун, 4 ноябрь куни Тошкент аҳолиси ижтимоий тармоқларда хонадонларига келаётган жигарранг иссиқ сув акс этган фото ва видеоларни жойлаштира бошлади. Veolia Energy Tashkent компанияси сув рангининг ўзгариши иситиш мавсумига тайёргарлик билан боғлиқлигини тушунтирди.
Хусусан, бу муаммо Мирзо Улуғбек тумани, жумладан Қорасув, Феруза ва Яланғач мавзелари аҳолисига таъсир қилиши мумкин. Компания хабарига кўра, ҳозирда мутахассислар магистрал тармоқларда сув айланишини созламоқда.
Бсим ва сув ҳаракатининг ўзгариши туфайли ёз давомида қувурлар деворларида тўпланиб қолган табиий чўкмалар ювилиб кетмоқда. Бу иссиқ сув рангининг вақтинча ўзгаришига ва нохуш ҳид пайдо бўлишига олиб келиши мумкин.
Ҳозирда Veolia бригадалари магистрал тармоқларнинг асосий тугунларидаги димланиб қолган сувни чиқариб ташламоқда ва қувурларнинг алоҳида участкаларини ювмоқда.
Ушбу муаммога дуч келган аҳолига лойқа сувни мустақил равишда оқизиб юбориш ёки ҳисоблагичлар ишига аралашиш тавсия этилмайди. Бунинг ўрнига компаниянинг Telegram-боти орқали аниқ манзилни — туман, мавзе ва уй рақамини юбориш керак. Мурожаатлар диспетчерларга топширилади, шундан сўнг мутахассислар ташқи тармоқнинг тегишли участкасини ювиш учун жойига жўнаб кетади.
Veolia вақтинчалик ноқулайликлар учун узр сўради ва тизимнинг нормал ишлашини имкон қадар тезроқ тиклаш учун чоралар кўрилаётганини маълум қилди.