Исроилнинг Миллатлар лигасидаги ўйини можароли кечди
Ирландияликлар Исроил футболчиларига қўл беришдан бош тортишди ва биринчи бўлимдаёқ учта гол уришди.
Исроилнинг Миллатлар лигасидаги баҳси можароли тус олди
Ўйин осойишта ўтмаслиги аввалдан аён эди.
Исроил – Ирландия 0:3
Голлар:
Перротт, 13 (0:1). Ида, 16 (0:2). Мойлан, 25 (0:3)
Исроил: Д. Перец, Шломо, Стоинов, Ревиво (Файнголд, 83), Мизраҳий, Э. Перец, Каничовски (Азулай, 64), Соломон, Ҳалайлий (Даса, 76), Глуҳ, Тургеман (Токломати, 64)
Ирландия: Келлеҳер, Браен, Китчинг, ОШи, Молумби (Беган, 88), Ковентри, Меннинг, Абанква (Найт, 69), Ида (Филлипс, 69), Мойлан (Кеннон, 69), Перротт (Вата, 76)
Огоҳлантиришлар: Шломо, 59 - Ида, 59. Ковентри, 89
Ирландлар исёни
Майдондаги таранг муҳит ҳакамнинг ўйин бошланганини билдирган ҳуштагидан анча олдин, жамоалар одатдаги қўл бериб кўришишдан бош тортган пайтда юзага келган эди. Жамоалар ўртасида байроқчалар (вимпел) алмашинуви ҳам амалга ошмади.
Бундан ташқари, ирландиялик футболчилар майдонга мотам боғичлари билан чиқишди, маҳаллий футбол ассоциациясидагилар эса бу боғичлар Ғазодаги ҳарбий ҳаракатлар чоғида ҳалок бўлган барча фаластинликларни хотирлаш рамзи эканини изоҳлашди.
Шунингдек, Исроил мадҳияси янграганида ирландиялик футболчиларнинг барчаси бошини намойишкорона эгиб олди. Бундан ташқари, икки жамоа сардорлари Дара ЎШи ва Манор Соломон ҳам ўйинни ким бошлаб беришини аниқлаш маросимидан сўнг бир-бирига қўл бермади.
Ўйин бошланиши билан Ирландия дарҳол устунликни қўлга олди. Биринчи бўлим ўрталарига етмасданоқ баҳс тақдири деярли ҳал бўлди. Биринчи гол 14-дақиқада урилди, икки дақиқа ўтиб ирландлар яна бир бор дарвозани ишғол этишди. Кўп ўтмай ҳисоб йириклашди ва Ирландия танаффусга учта тўп фарқи билан чиқди.