Испаниядаги поездлар ҳалокати ва Маскни мақтаган Путин – кун дайжести
Öтган кун давомида жаҳонда рöй берган энг асосий воқеа ва янгиликлар şарҳи билан кундалик хабарномада таниşтирамиз.
Испаниядаги поездлар ҳалокати ва Маскни мақтаган Путин – кун дайжести
Испанияда бу йил иккинчи бор йирик поезд ҳалокати юз берди. 28-октабр куни Мадриддан жанубда, Толедо шаҳри яқинида тезюрар поезд йўлда тўхтаб турган бошқа поездга бориб урилди.
Ҳалокат оқибатида камида 68 киши ҳалок бўлди, 80 киши жароҳат олди. Уларнинг 15 нафари оғир аҳволда. Тўқнашув вақтида тўхтаб турган Ирё поездида 147, унга келиб урилган Ренфе поездида эса 397 йўловчи бўлган. Камида учта вагон темирйўл кўтарма қисмидан пастга қулаб тушган. Қутқарувчилар ҳануз вагонлар орасидан қурбонларни қидирмоқда.
Испания транспорт вазирининг айтишича, компютер алоқа тизимидаги узилиш сабаб қизил сигнал ёниб, ҳаракат автоматик равишда тўхтаган. Бироқ шундан сўнг Ренфе поездини яна йўлга чиқариш ҳақида хато қарор қабул қилинган. Ренфе ўз поезди рухсат олганидан кейин ҳаракатни давом эттирганини маълум қилди. Темирйўл инфратузилмаси оператори эса ҳозирча изоҳ бермади.
Испания бош вазири Педро Санчес фожиа текширилишини ва аниқланган камчиликлар бартараф этилишини маълум қилди.
«Тезюрар темирйўл тизимимизга ишончни тиклаш учун хавфсизликни янада кучайтириш керак бўлса, шундай қиламиз. Чунки Испаниядек мамлакат бир йилда иккита тезюрар поезд ҳалокатини бошдан кечириши қабул қилиб бўлмайдиган ҳол», деди у.
2026-йил январда худди шу йўналишда, шу компанияларнинг поездлари иштирокидаги ҳалокатда 46 киши ҳалок бўлганди. Ўшанда поезд издан чиқиб, қарама-қарши томондан келаётган поездга урилган.
Россия АҚШнинг Старлинк тизимига муқобил сунъий йўлдош интернетини яратишга киришди, бироқ бу борада ҳали анча ортда қолмоқда. Россия президенти Владимир Путин 28-октабр куни буни тан олиб, Илон Маскни даҳо деб атади.
Путин Москвадаги Россия-Африка саммити доирасида рақамли ривожланиш вазири тақдимотини тинглади. Вазир Россия «Рассвет» лойиҳаси доирасида 30 дан ортиқ сунъий йўлдош учирганини маълум қилди.
«Бир дақиқа, шуни таъкидламоқчиман: бу бизнинг илк қадамимиз. Илон Маск даҳо, у ҳақиқий даҳо», деди Путин.
Путиннинг саволига жавобан вазир Маскнинг 5 мингдан ортиқ сунъий йўлдоши ишлаётганини айтди. ББС'га кўра аслида бу рақам анча катта – Старлинк тизими 13 мингга яқин сунъий йўлдош учирган.