Ишлаймиз, биродарлар
Россия Хавфсизлик кенгаши: Синтетик гиёҳвандлик моддалари муаммоси бўйича Афғонистон билан яқиндан ишламоқдамиз
Ишлаяпмиз, биродарлар
Москва ва Қобул бутун дунё учун таҳдидга айланган синтетик гиёҳвандлик моддалари муаммоси билан биргаликда шуғулланмоқда. Бу ҳақда РФ Хавфсизлик кенгаши котиби ўринбосари Александр Венедиктов маълум қилди.
«Huquqni muhofaza qiluvchi organlar ва куч тузилмалари яқин алоқада бўлиб турибди. Халқаро хавфсизлик учун ортиб бораётган таҳдидга айланаётган синтетик гиёҳвандлик моддалари муаммоси бўйича афғонлар билан яқиндан ишлаяпмиз», — деди у журналистларга.
Венедиктовнинг сўзларига кўра, «ҳозирги Афғонистон ҳукумати билан алоқалар турли йўналишларда олиб борилмоқда, шу жумладан ташқи сиёсат идоралари, икки мамлакат ҳукуматлари ва бизнес доиралари йўналишида ривожланмоқда». У ўтган ҳафтада Афғонистон бўйича консультацияларнинг Москва форматидаги мажлиси, шунингдек, Афғонистон ташқи ишлар вазири Амир Хон Муттақий Россия пойтахтида ўтказган учрашувларни эслатиб ўтди.
Россия Хавфсизлик кенгаши котиби ўринбосари, шунингдек, «савдо-иқтисодий ҳамкорлик бўйича икки томонлама ишчи гуруҳ шакллантирилгани, шартномавий-ҳуқуқий база мустаҳкамланаётганини» таъкидлади. Венедиктов «Қобул билан иқтисодий ҳамкорлик минтақада транспорт ва энергетика лойиҳаларини амалга ошириш контекстида ҳам муҳим» эканини қўшимча қилди.