Илон Маск Tesla ва SpaceX бирлашуви «яхши ғоя» бўлишини айтди
Маскнинг таъкидлашича, йирик бирлашув унинг компанияларига кўплаб фойда келтирган бўларди.
Илон Маск Tesla ва SpaceX’ни бирлаштириш “яхши ғоя” бўлишини айтди
Илон Маск ўзининг энг машҳур икки компанияси — Tesla ва SpaceX’ни бирлаштириш истиқболи ёқишини ҳамда бу ғоя фаол кўриб чиқилаётганини айтди.
“Бу яхши ғоя бўлади деб ўйлайманми? Ҳа”, — деди Маск сешанба куни молиявий таҳлилчилар билан SpaceX’нинг чораклик бизнес натижалари бўйича ўтказилган мулоқот чоғида.
Маск бундай бирлашиш аниқ юз беради деб ҳеч ким хулоса қилмаслиги кераклигини ва бу акциядорларнинг розилигини талаб қилишини айтган бўлса-да, ҳар иккала компанияда буни ўрганиб чиқиш учун махсус қўмиталар тузилганини билдирди.
“Махсус қўмиталар битим шартлари бўйича келишувга эришгани йўқ ва уларнинг келишиб олишига ҳеч қандай кафолат йўқ”, — дея қўшимча қилди Маск. “Бироқ, манманки, бирлашишда жуда катта мантиқ ва қўлга киритиладиган фойда бор”.