ИИБ кечаси подъездларда юриб, эшик тутқичларини тортқилаган йигитлар ҳақидаги хабарларга изоҳ берди. Видео
ИИББ кечаси кириш йўлакларида юриб, эшик тутқичларини тортган йигитлар ҳақидаги хабарларга изоҳ берди. Видео
Ижтимоий тармоқларда кечаси кириш йўлакларида юриб, хонадонлар эшик қўнғироғини чалган ва эшик тутқичларини тортиб, аҳолини безовта қилган ва қўрқитган номаълум ёшлар ҳақида хабарлар пайдо бўлди. Юнусобод тумани ИИББ нима юз берганини тушунтирди.
Ҳодиса 26 октябрь куни соат 00:30 атрофида Юнусободнинг 10-кварталидаги кўп қаватли уйлардан бирида содир бўлган. Ҳуқуқ-тартибот идоралари маълумотларига кўра, уч нафар 16 ёшли ўсмир шу уйда яшайдиган танишини қидирган, аммо кириш йўлагини адаштириб юборган. Улар бошқа хонадон қўнғироғини бир неча бор босиб, яшовчиларни безовта қилишган.
Ёшлар манзилда адашганликларини тушунишгач, кетиб қолишган. Тошкент шаҳар ИИББ шунингдек, ўсмирлардан ҳеч қандай хавфли буюмлар топилмаганини аниқлаштирди.
Ҳозирда Юнусобод тумани ички ишлар бошқармаси ходимлари томонидан суриштирув ишлари олиб борилмоқда.
Аввалроқ Наманганда бир гуруҳ ўсмирлар тўрт нафар тенгдошининг пули, соати ва мобиль телефонларини тортиб олиб, тунаб кетган эди.