Ҳинд киносининг юлдузли жуфтлиги Ранбир Сингҳ ва Дипика Падуконе иккинчи бор ота-она бўлди
Ҳинд киносининг машҳур жуфтлиги Ранбир Сингҳ ва Дипика Падуконе иккинчи марта ота-она бўлди. Дипика Падуконе ва Ранвир Сингҳнинг иккинчи фарзанди дунёга келди. Жуфтлик Инстаграмъга биргаликда жойлаган постда: “Хуш келибсан, қизалоқ, 19/9/2026” деб ёзилган бўлиб, охирида Дуа, Дипика ва Ранвирнинг исмлари қайд этилган.
Қизалоқнинг туғилгани Ранвир ва Дипика Мумбайдаги Сиддҳивинаяк ибодатхонасига ташриф буюрганидан бир кун ўтиб маълум қилинди. Эр-хотин 2024-йилда биринчи фарзандини кутаётган пайтда ҳам 6-сентябр куни ибодатхонага борган ва 8-сентябр куни қизлари Дуа туғилганини эълон қилган эди.
Дипика ва Ранвир 2012-йилда режиссёр Санжай Лила Бҳансалининг “Рам ва Лила” филмини суратга олиш жараёнида танишган бўлсалар-да, орадан 6 йил ўтиб турмуш қуришган. Шунингдек, актёрлар биргаликда “Баджиаро ва Мастани” ҳамда “Падмааватиъъ каби машҳур филмларда суратга тушган.
Дипика ҳаётидаги энг катта орзуларидан бири кўп фарзандли бўлиш эканини яширмайди, чунки у оилани болаларсиз тасаввур қила олмайди. Ранвир эса журналистларга берган интервюларидан бирида қиз фарзанди кўпроқ бўлишини исташини айтган эди, чунки унинг фикрича, қизлар жуда меҳрибон, ақлли ва ёқимтой бўлади.