37 ёшида ўз бахтини топган “Ҳиндистон гўзали” Неҳа Дҳупиянинг Болливуддаги муваффақият тарихи (фото)

**37 ёшида бахтини топган "Ҳиндистон гўзали" Неҳа Дҳупиянинг Болливуддаги муваффақиятли йўли (фото)**

Актриса Неҳа Дҳупия, 2002-йилда "Ҳиндистон гўзали" унвонини қўлга киритиб, "Коинот гўзали" танловининг финалчиларидан бирига айланган, Ҳиндистоннинг энг гўзал аёлларидан бири сифатида тан олинган.

Неҳа Дҳупия 1980-йил 27-августда Кераланинг йирик шаҳарларидан бири Кочида туғилган. Унинг отаси, қўмондон Прадип Сингҳ Дҳупия Ҳиндистон денгиз флотида хизмат қилган, онаси эса уй бекаси бўлиб, Неҳа ва унинг укаси Хардипни тарбиялаган.

Актриса мактабда аълочи ўқувчи бўлган ва кейинчалик ҳарбий мактабда таҳсил олган. Неҳанинг ота-онаси қизининг давлат хизматига киришига умид қилишган, аммо унинг тақдири бутунлай бошқача кечган.

Болалигида у малаялам тилидаги "Маёқ" филмида кичик қизалоқ ролини ижро этган, талабалик йилларида эса моделликка қизиқиб қолган. Гўзаллик танловлари саҳнасига чиқишдан олдин Неҳа театрда бир нечта спектаклларда рол ўйнаган. Актриса саҳнани жуда яхши кўрган ва айнан шу ерда уни "Ҳиндистон гўзали" танлови ташкилотчилари пайқаб қолишган.

2002-йилда Дҳупия Ҳиндистоннинг энг гўзал аёли деб топилган ва Пуерто-Рикода бўлиб ўтадиган "Коинот гўзали—2002" танловига йўл олган. У ерда актриса Ҳиндистон номини муносиб ҳимоя қилиб, энг яхши ўн нафар финалчи қаторига кирган.

"Ҳиндистон гўзали" танловида иштирок этганидан сўнг, кутилганидек, ижодкорлар актрисани ролларга таклиф қила бошлаганлар. Неҳа таклифларни қабул қилган ва кўп ўтмай Болливудда "Ҳаётга қайтиш" триллерида дебют қилган. Ушбу лойиҳада бош ролларни Ажай Девган ва Сунил Шетти ижро этган.

Кейинчалик актриса "Сирли алоқа" лойиҳасида суратга тушган ва унда эгизак опа-сингиллар ролини ўйнаган, аммо бу филм кассада муваффақият қозонмаган. Орадан вақт ўтиб у "Биз қандай ажойибмиз" комедиясида рол ижро этган ва шундан кейин Неҳага дадил актриса деб таъриф берилган.

У "Хатолар комедияси", "Локандваладаги отишма", "Қирол Сингҳ", "Кўришгунча" лойиҳаларида иккинчи даражали ролларни ижро этган. 2011-йилда Неҳа "Гитлернинг қадрдон дўсти" филмида Эва Браун ролини ўйнаган. 2016-йилда эса у Болливудда "Неҳа билан филтрсиз" номли подкастини яратган. У подкастида Болливуддаги машҳур инсонлардан интервю олган. Шоу ижобий баҳоларга сазовор бўлган ва томошабинлар унинг янги сонларини интиқлик билан кутишмоқда.

Актриса ўз бахтини бошқа ҳамкасбларига қараганда анча кеч топган. Неҳа узоқ вақт давомида сквош ўйинчиси Ритвик Бҳаттачаря билан муносабатда бўлган. Бироқ, улар турмуш қуришмаган ва 2010-йилда жуфтликнинг йўллари айрилган.

Кейинчалик Неҳа тиш шифокори Жеймс Силвестр билан ишқий муносабатда бўлган. Бу муносабатлар уч йил давом этган ва ажралиш билан якунланган. 2014-йилда Дҳупия крикетчи Ювраж Сингҳ билан учраша бошлаган, аммо бу муносабатлар ҳам узоққа бормаган.

2018-йил 10-май куни 37 ёшли актрисанинг кутилмаганда актёр Ангад Бедига турмушга чиққани маълум бўлган. Бу воқеа кўпчиликни ҳайратда қолдирган, чунки ўша пайтда Ангад раққоса Нора Фатехи билан муносабатда эди. Тўй яширинча ўтказилган.

Кўп ўтмай уларнинг қизи Меҳр, уч йилдан сўнг эса ўғли Гурик дунёга келган. Актриса ўтган йили экранларга чиққан "Пайшанба" триллерида Ями Гаутам ролини ўйнаганида ҳомиладорлигининг сўнгги ойларида бўлган. Филм сужетига кўра, унинг қаҳрамони полициячи Кетрин Алварес ҳам фарзанд кутаётган эди.

Ҳозирда Неҳа кўпроқ вақтини оиласи билан ўтказмоқда, бироқ у Инстаграмъда фаол ва реклама роликларида рол ўйнайди.