Ҳейли Бибернинг Рҳоде бренди аёллар саломатлиги бўйича тадқиқотларга 5 миллион доллар ажратади
Бу компания тарихидаги энг йирик хайрия ташаббуси ҳисобланади.
Ҳейли Бибернинг Рҳоде бренди аёллар саломатлиги бўйича тадқиқотларга 5 миллион доллар йўналтиради
Ҳейли Бибер асос солган Рҳоде косметика бренди Фоундатион фор Воменъс Ҳеалтҳ ташкилотига 5 миллион доллар ажратади. Бу ҳақда ВВД нашри маълум қилди.
Маблағлар аёллар саломатлиги бўйича тиббий тадқиқотлар, маърифий дастурлар, шунингдек, касалликларни аниқлаш ва даволашнинг янги усулларини ишлаб чиқишга сарфланади.
Асосий эътибор эндометриоз, аутоиммун касалликлар, ҳомиладорлик даври ва туғруқдан кейин аёллар дуч келадиган муаммоларга қаратилади.
Бу Рҳоде компанияси тарихидаги энг йирик хайрия ташаббусидир. Бундай катта миқдордаги маблағ ажратиш имконияти бренднинг тижорий жиҳатдан тез ривожланиши ортидан юзага келган. 2025-йилда Рҳоде Э.л.ф. Беаутй корпорацияси таркибига ўтди ва унинг йиллик чакана савдо ҳажми 500 миллион доллардан ошди.
Ҳейли Бибер ушбу ташаббус нафақат тиббиёт тараққиётига ҳисса қўшиши, балки аёллар саломатлиги масаласига жамоатчилик эътиборини ҳам кучайтиришига умид қилмоқда.
“Мен аёллар саломатлиги мавзусига чин дилдан қизиқаман. Синглим поликистик тухумдонлар синдроми билан курашмоқда, кўплаб дугоналарим эса эндометриоз ва аёлларга хос бошқа муаммоларга дуч келган. Аёл сифатида бу соҳада тадқиқотлар етишмаслиги, хабардорлик даражаси пастлиги ва муаммолар ҳақида етарлича очиқ суҳбат олиб борилмаслиги мени ранжитади”, деди Бибер ВВД нашрига берган интервюсида.