2 ёшида мултимиллионерга айланган “тирик Барби” ҳозир қандай кўринишда?
2 ёшида мултимиллионерга айланган “тирик Барби” бугун қандай кўринишда?
2012-йилда интернетда тиниқ мовий кўзлари, майин малла сочлари ва бироз қорамағиз чеҳраси билан ажралиб турадиган қизалоқнинг суратларига тез-тез кўзингиз тушган бўлса керак. У худди қўғирчоқдек кўринарди. Бу мафтункор қизалоқ Айра Мари Браун эди.
Қизалоқ туғилганидан бошлаб ўз гўзаллиги билан атрофдагиларни ром этарди, шунингдек, камера қаршисида турли кийимларни кийиб, суратга тушишни жуда яхши кўрарди. Шунда унинг онаси уни моделлик агентлигидаги кастингга олиб боради ва улар дарҳол шартнома тузишади. Шу тариқа кичкина Айранинг карьераси бошланади.
Етакчи болалар брендлари Браун суратга тушиши учун ўз коллексияларида уни кўрсатиш ҳуқуқи устида беллашарди. Энг ёш модел эса сартарош ва визажист курсисида бир неча соат сабр билан ўтириб, барча фотосуратчиларнинг кўрсатмаларига аниқ амал қиларди.
Кимдир қизчанинг гўзаллигига қойил қолса, бошқалар унинг ота-онасини болалар меҳнатидан фойда кўришда айбларди. Шу тариқа Айра солярийларга қатнай бошлайди, бу ҳатто катталар учун ҳам фойдаси бўлмайдиган муолажа ҳисобланади. Табиатан оч рангли сочлари янада ёрқин кўриниши учун бўялади, нозик териси эса декоратив косметика қатламлари билан қопланади.
Бироқ қизалоқ кеча-ю кундуз ишлаганидан соғлиғига зарар етказди, дейиш тўғри бўлмайди. Айранинг онаси доимо қизининг тўғри овқатланишини назорат қилган, масалан, таркибида кофеин бор ичимликларни истеъмол қилиш ҳақида гап ҳам бўлиши мумкин эмасди. Бола чарчаса, унга дарҳол дам олиш имконияти бериларди. Ва, албатта, ҳеч қандай парҳез қўлланилмасди. “Тирик фаришта” бошқа болалар каби овқатланар, ҳеч қандай оздирувчи парҳезларга ўтмасди.
Орадан кўп ўтмай, қиз ўз ёш тоифасидаги энг кўп маош олувчи моделга айланади. Аммо вақт ўтиб, Айра улғайиб борарди. Унинг қиёфаси ўзгариб, машҳур фотографлар кўришни истаган ўша ёқимтой “тирик Барби”дан узоқлашарди. Шунга қарамай, қиз суратга олиш майдончаларидан узоқлашишни истамайди, шу боис мактаб дарсларидан бўш вақтини барибир суратга тушиш билан ўтказади.
Ҳозир ҳеч ким Айрани “тирик фаришта” деб атамаса ҳам, унинг онаси қизини аввалгидек гўзал деб билади. 2026-йилда малласоч соҳибжамол 17 ёшга тўлади. Мактаб ўқитувчилари уни мунтазам равишда аъло баҳолари учун мақташади, шунингдек, унинг мустақил ва самимий инсон бўлиб улғаяётганини таъкидлашади.
У бир кун келиб подиумга қайтишни ва энг машҳур журналларнинг муқоваси учун суратга тушишни хоҳлашини яширмайди, бироқ айни пайтда бошқа касбларни эгаллаш вариантларини ҳам кўриб чиқмоқда.