“Ҳамма имконият бор. Фақат ҳаракат қилиш керак” — хоразмлик тадбиркор
Жамолиддин Рўзметов бугун янада каттароқ мақсад қўйган — Хоразм балиғини дунёга танитиш. Унинг айтишича, хорижлик
“Ҳамма имконият бор. Фақат ҳаракат қилиш керак” — хоразмлик тадбиркор
Хивада Жамолиддин Рўзметовни кўпчилик “Жамол балиқчи” номи билан билади. Илгари кичик бир жойда иш бошлаган бу тадбиркор бугун кунига 200–250 кг, мавсум давомида эса ярим тоннагача балиқ сотмоқда.
У ўзининг бугунги ютуқлари ҳақида сўзлар экан, Президентнинг одамлар дардини эшитиш ва тадбиркорларга имконият яратиш сиёсати ҳаётида нимани ўзгартирганини содда тарзда тушунтириб берди.
Жамолиддин Рўзметовнинг бугунги яна бир катта мақсади — Хоразм балиғини дунёга танитиш. Унинг айтишича, хорижлик сайёҳлар ҳам бу ерга келиб, Хоразм балиғини севиб истеъмол қилмоқда.
Бироқ тадбиркор учун бу меҳнатнинг энг катта самараси фақат даромад ёки кенгайган бизнес эмас. Унинг уч қизи ҳам бугун институтда таҳсил олмоқда. Ота уларнинг контрактини тўлаб, ўзи эришмаган имкониятни фарзандларига беришга ҳаракат қиляпти.
“Қаердан бўлса ҳам топиб қизларимни ўқитаман. Олий маълумотли бўлсин. Бизлар ўқимадик, улар ўқисин”, — деди тадбиркор.
Бу — Президентнинг тадбиркорларни қўллаб-қувватлаш сиёсати оддий инсон ҳаётини қандай ўзгартираётганига бир мисол. Кеча кичик жойда бошланган иш бугун кунига юзлаб килограмм маҳсулот сотиладиган бизнесга айланди. Энди мақсад ҳам катта — Хоразм балиғини дунёга танитиш. Энг муҳими, шу меҳнат ортидан уч нафар қиз бугун олий таълим олмоқда.