Грузиялик дизайнер Centrum Air’ни унинг логотипидан рухсатсиз фойдаланганликда айблади

Грузиялик дизайнер Centrum Air’ни унинг логотипидан рухсатсиз фойдаланишда айблади

Грузиялик дизайнер Сандро Лалиашвили Ўзбекистоннинг Centrum Air авиакомпанияси ўзининг фирма услубида у 2020 йилда яратган қалдирғоч тасвиридан тегишли рухсатни олмасдан фойдаланаётганини маълум қилди.

Дизайнернинг сўзларига кўра, дастлабки иш ўхшаш тасвир авиакомпаниянинг визуал айдентикасида пайдо бўлишидан анча олдин унинг портфолиосига жойлаштирилган. Лалиашвили компания унинг ишланмасини келишувсиз ва мукофот пули тўламасдан қўллаётганини таъкидламоқда.

Дизайнер вазиятни тўғридан-тўғри ҳал қилиш учун Centrum Air раҳбарияти билан бир неча бор боғланишга уринганини, бироқ, унинг сўзларига кўра, ҳеч қандай жавоб олмаганини маълум қилди. Масалани ҳал қилиш бўйича муваффақиятсиз уринишлардан сўнг, у ижтимоий тармоқларда ўзининг эътирозларини ошкора билдиришга қарор қилган.

Бу вазият интеллектуал мулкни ҳимоя қилиш соҳасидаги муҳокама мавзусига айланиши мумкин. Ўзганинг муаллифлик асаридан ҳуқуқ эгасининг розилигисиз фойдаланиш ҳуқуқий оқибатларга олиб келиши мумкин. Шу билан бирга, тасвирларнинг ташқи ўхшашлигининг ўзи муаллифлик ҳуқуқлари бузилганининг етарли далили ҳисобланмайди.

Ҳозирги вақтда айбловлар фақат дизайнер томонидан билдирилмоқда. Centrum Air’нинг ушбу вазият бўйича расмий позицияси тақдим этилмаган, муаллифлик ҳуқуқлари бузилгани факти эса ҳали аниқланмаган.