Сентрум Аирънинг Истанбул—Тошкент рейси 3 соат 20 дақиқага кечикди: йўловчилар норози
Сентрум Аирънинг Истанбул—Тошкент рейси 3 соат 20 дақиқага кечикди: йўловчилар норози
17-сентябр куни Истанбулдан Тошкентга учиши лозим бўлган Сентрум Аирънинг С6302 рейси 3 соат 20 дақиқага кечикди. Кечикишдан норози бўлган айрим йўловчилар ижтимоий тармоқларда авиакомпания фаолиятини танқид қилди, компания эса рейснинг кечикишини операцион сабаблар билан изоҳлаб, йўловчилардан узр сўради.
Унинг сўзларига кўра, фарзандининг мазаси қочгани учун зудлик билан учишга мажбур бўлган. Блогер видео давомида аеропорт ходимлари боланинг парвоз вақтида аҳволи ёмонлашиши мумкинлигини сабаб қилиб, аввалига уни самолётга қабул қила олмаслигини айтганини билдирган.
Унинг таъкидлашича, кейинроқ шифокор хулосаси тақдим этилган ва шифокор боланинг парвозига масъулиятни ўз зиммасига олган. Шундан кейин ҳам рейснинг кечикиши давом этган. Саёҳатчи Абу ўз видеосида Сентрум Аир фаолиятидан жуда норози эканини айтган.
Видеога ёзилган изоҳларда ҳам айрим фойдаланувчилар рейсларнинг кечикиши, компания томонидан йўловчиларга хизмат кўрсатиш ва хабардор қилиш масалаларидан норози эканини ёзган. Жумладан, айрим изоҳларда рейслар тез-тез кечикаётгани, бошқа рейсга ўтиш имконияти ҳамда чипталар учун пулни қайтариш масалалари кўтарилган.
Бошқа фойдаланувчилар эса кечикишлар сабаб аеропортда узоқ вақт кутишга тўғри келаётганини билдирган. Айрим изоҳларда 1–2 соатлик кечикишлар одатий ҳолга айланаётгани, йўловчиларга бу ҳақда олдиндан етарлича маълумот берилмаётгани ҳақидаги фикрлар билдирилган.
Кейинчалик Сентрум Аир ахборот хизмати рейсдаги кечикиш юзасидан қўшимча изоҳ берди. Компания маълумотига кўра, 17-сентябр куни Истанбул—Тошкент йўналишидаги С6302 рейси операцион сабаблар туфайли 3 соат 20 дақиқага кечиктирилган.
“Йўловчилар ва экипаж хавфсизлиги авиакомпаниянинг устувор вазифаси бўлиб қолади”, дейилади компания баёнотида.
Сентрум Аир йўловчилардан юзага келган ноқулайлик учун узр сўраб, уларнинг сабри ва тушунганлари учун миннатдорлик билдирган.