Энг муҳими — ўз вақтида
Тожикистон расмийлари Халқаро жиноий суддан (ХЖС) чиқиш масаласини кўриб чиқмоқда. Ўтган ҳафтада Парламент қуйи палатаси (Вакиллар палатаси) палата Кенгашининг навбатдан ташқари йиғилишида «Халқаро жиноий суд Статутининг амал қилишини тугатиш тўғрисида»ги қарор лойиҳасини кўриб чиқди, деб хабар берди мамлакат парламенти.
Йиғилиш ҳақида бошқа бирор-бир тафсилотлар келтирилмаган. Тожикистон расмийлари ҳозирча бу борада расмий баёнот бергани йўқ.
Маълумки, Тожикистон Рим статутини 1998 йилда имзолаган, 2000 йилда эса ратификация қилган. Республика постсовет ҳудудида ва Марказий Осиёда Рим статутини ратификация қилган биринчи давлат бўлган эди.
Алоҳида таъкидлаш жоизки, ХЖС бир қатор можароли воқеаларга аралашиб қолган. Охиргиларидан бири — жинсий тегажоғликда айбланаётган прокурор Карим Хоннинг четлатилишидир. Шундан сўнг, ХЖС Рим статутининг бир нечта иштирокчи давлатлари ташкилотнинг кейинги тақдирини муҳокама қила бошлади. Бир қатор мамлакатлар вакиллари норасмий маслаҳатлашувлар ўтказдилар. Улар Карим Хон лавозимидан кетганидан кейин юзага келган қийинчиликлардан чиқиш йўлларини муҳокама қилишди.
Шу билан бирга, ХЖСда бош прокурорни сайлашга тайёргарлик кўрилмоқда. Тартиб-таомил Хон четлатилганидан кейин бошланди. Дипломатик манбанинг хабар беришича, тегишли идора сайлов жараёнини ташкил этиш бўйича батафсил ҳужжат тайёрлайди. Ушбу қарор август ойи ўрталарида суднинг назорат органи йиғилишида тасдиқланган эди.
Манба