Гитлернинг «Бургут уяси» қароргоҳида содир бўлган ёнғиндан сўнг ҳибсга олиш амалга оширилди
Германиядаги нацистлар диктаторининг Альп тоғларидаги қароргоҳида юз берган ёнғинни ўчиришга 200 га яқин фавқулодда вазиятлар ходими жалб қилинган.
**Гитлернинг «Бургут уяси» қароргоҳидаги ёнғиндан сўнг ҳибсга олиш амалга оширилди**
Шанба куни эрталаб «Бургут уяси» ҳамон ёнаётган эди
Германия жанубидаги Бавария полицияси Адольф Гитлернинг Кельштайнхаус, шунингдек, «Бургут уяси» деб аталадиган Альп тоғларидаги қароргоҳидаги ёнғинга алоқадорликда гумонланувчини ҳибсга олди.
Жума куни соат 21:15 да Траунштайн диспетчерлари бинодан ёнғин ҳақида сигнал олишди ва етиб келган ўт ўчирувчилар бинони аланга қамраб олганини кўришди.
Полициянинг маълум қилишича, мураккаб рельеф ёнғинни назорат остига олишни қийинлаштирган ва шанба куни эрталаб ҳам аланга ўчмаган, воқеа жойига 200 га яқин фавқулодда хизмат ходимлари жалб қилинган. Жароҳатланганлар ҳақида хабар берилмаган.
Нацистлар диктатори Берхтесгаден шаҳри тепасида жойлашган ушбу қароргоҳдан вақтинчалик ҳукумат қароргоҳи сифатида фойдаланган ва 1941 йилда СССРга бостириб киришни режалаштириш учун у ерда қўмондонлар билан учрашган.
Ҳозирда гумонланувчининг ёнғинга алоқадорлигини аниқлаш бўйича жиноий тергов олиб борилмоқда.
Гитлер ушбу ҳудуддан ўзини ҳайвонлар ва табиат севувчиси сифатида тасвирлаган ташвиқот фильмлари учун саҳна сифатида ҳам фойдаланган.
1938 йилда нацистлар томонидан қурилган «Бургут уяси» 1945 йилда улар мағлубиятга учрагач, вайрон бўлишдан амон қолган.
Ўшандан бери у машҳур туристик масканга айланган ва ўз ичига тоғ меҳмонхонасини олади.
, бу шунингдек «шафқатсиз нацистлар диктатурасининг тубсизликлари ҳақида огоҳлантирувчи эслатмадир».
Иккинчи жаҳон уруши пайтида Гитлер ва унинг издошлари ўн миллионлаб одамларнинг ўлимига, жумладан, европалик яҳудийларнинг оммавий ўлдирилишига жавобгар бўлган.