Ғайриоддий тажриба: Нидерландияда 9-ноябр куни томошабинлар севимли филмларини унутиши учун гипноз қилинади
Томошабинларга севимли филмларини унутиб, уларни илк бор томоша қилиш таклиф этилади. Ташкилотчилар филмни илк бор кўргандаги ҳис-туйғуни қайтаришнинг иложи бор-йўқлигини синаб кўришмоқчи.
Ғайриоддий тажриба: Нидерландияда 9-ноябр куни томошабинлар севимли филмларини унутиши учун гипноз қилинади
Нидерландиядаги кинотеатрлар тармоғи ноодатий тажриба ўтказишни режалаштирмоқда: томошабинлар илгари кўрган филмларини унутиб, уларни гўё биринчи марта томоша қилаётгандек кўришлари учун гипноз қилинади. Компания маълумотига кўра, сеанс 9-ноябр куни Гаагадаги кинотеатрда бўлиб ўтади.
Тажриба қатнащилари “Матрица”, “Етти”, “Ла-Ла Ленд” ёки “Интерстеллар” филмларидан бирини танлашлари керак. Иштирок этиш бепул, аризалар қабули 29-октябрда якунланган.
Лойиҳа учун 30 киши саралаб олинади. Уларнинг ҳар бири гипноз билан 30 йилдан буён шуғулланиб келаётган гипнотерапевт Виктор Кремер билан индивидуал онлайн-сессиядан ўтади. Намойишдан бевосита олдин томошабинлар яна гипноз ҳолатига киритилади. Ташкилотчилар филмни илк бор кўргандаги ҳиссиётларни қайтариш мумкинми-йўқми, шуни синаб кўрмоқчи: филмни унутишнинг уддасидан чиқиладими ёки йўқ, буни ҳали аниқлаш керак бўлади.