Маҳаллий
ФВВ Янги Тошкентдаги қурилиш майдонида юз берган ёнғин тафсилотларини маълум қилди
ФВВ Янги Тошкентдаги қурилиш майдонида юз берган ёнғин тафсилотларини маълум қилди
Фавқулодда вазиятлар вазирлиги Янги Тошкентдаги қурилиш объектида содир бўлган ёнғин тафсилотларини очиқлади. Аввалроқ ижтимоий тармоқларда ҳодиса жойидан олинган, қуюқ қора тутун кўринган тасвирлар тарқалган эди.
Идора аниқлик киритишича, 8 сентябрь куни 112 хизматига объектнинг юқори қисмида қурилиш материаллари ёнаётгани ҳақида хабар келиб тушган. Воқеа жойига зудлик билан ёнғин-қутқарув экипажлари етиб келган.
Ёнғин соат 15:40 да тўлиқ бартараф этилган. Идора маълумотларига кўра, жабрланганлар йўқ.
Ёнғин сабаблари аниқланмоқда.