ФВВ Чорвоқ сув омборида чўкиб кетган уч кишини қидириш ишларини якунлади. Отанинг жасади топилди. Видео

ФВВ Чорвоқ сув омборида чўкиб кетган уч кишини қидириш бўйича қутқарув операциясини якунлади. Отанинг жасади топилди. Видео

Чорвоқ сув омборида 2 сентябрь куни чўкиб кетган бир оиланинг уч аъзосини қидириш ишлари якунланди. Бугун Фавқулодда вазиятлар вазирлиги ғаввослари уларнинг отаси жасадини топишди. Аввалроқ қутқарувчилар иккала ўғилнинг ҳам жасадини топишган эди.

Ушбу маълумотни ФВВ матбуот хизмати тасдиқлади.

Эслатиб ўтамиз, фожиа 2 сентябрь куни оиланинг катерда сайр қилиши вақтида юз берган. Эркаклардан бири тақиқланган жойда чўмилишга қарор қилиб, сувга қутқарув нимтасисиз тушган. У чўка бошлаганида, отаси ва акаси унга ёрдам беришга шошилишган. Натижада уларнинг уччаласи ҳам чўкиб кетган.

Биринчи бўлиб, 9 сентябрь куни ғаввослар кенжа ўғилнинг жасадини топишди. Эртаси куни, 10 сентябрда унинг акасининг жасади топилди. Соат 13:35 да ФВВ ғаввослари охирги ҳалок бўлган шахснинг жасадини топишди. Шу тариқа, қидирув операцияси якунланди.

Қидирув ишларига Жиззах ва Сирдарё вилоятлари Фавқулодда вазиятлар бошқармаларининг қўшимча куч ва воситалари, шунингдек, замонавий қидирув ускуналари жалб этилди. Сув омборининг майдони катта ва чуқурлиги сезиларли бўлишига қарамай, қутқарувчилар ҳалок бўлган уччала кишининг ҳам жасадини топишга муваффақ бўлишди.

ФВВ фуқароларни сув ҳавзаларида хавфсизлик қоидаларига риоя қилишга ва сув транспорти воситаларида сайр қилишда қутқарув нимталаридан фойдаланишга яна бир бор чақирди.