Франсияда намойищилар полиция ходимига ўт қўйди (видео)
Парижда намойищилар улоқтирган “Молотов коктейли” оқибатида жандармлардан бири олов ичида қолган. Ички ишлар вазири ҳодисани қотилликка уриниш деб баҳолади.
**Франсияда намойищилар полиция ходимига ўт қўйди (видео)**
Парижда намойищилар ҳуқуқ-тартибот органлари ходимлари томон ёнувчи суюқлик солинган “Молотов коктейли” отишди. Натижада жандармерия ходимларидан бирининг кийими ёниб кетди. Бу ҳақда Франсиянинг Ла Дéпêче нашри ёзди.
Воқеа 31-октябр куни кечқурун Парижнинг Порт-де-Шарантон майдони яқинида содир бўлган. Намойищилар полицияга тошлар, пиротехника воситалари ва ёнувчи суюқлик солинган идишларни улоқтирган.
ОАВ тарқатган видеода полиция ходимларидан бири аланга ичида қолганини кўриш мумкин. Тахмин қилинишича, махсус ҳимоя кийими уни оғир жароҳатлардан асраган. Ҳамкасблари ҳам оловни ўчиришга ёрдам берган.
Франсия ички ишлар вазири Лоран Нунес жандарм енгил куйгани ва хизматни давом эттиргани ҳақида маълум қилди. Вазир бу ҳодисани “қотилликка уриниш” деб атаб, ҳужумга алоқадор шахсларни аниқлаш ва қўлга олиш учун барча чоралар кўрилишини билдирди.
31-октябр куни Франсия бўйлаб намойишлар аввал тинч бошланган, бироқ кечга бориб айрим шаҳарларда намойищилар билан полиция ўртасида тўқнашувлар юз берган. Париж ва Лионда ҳуқуқ-тартибот органлари намойищиларга қарши кўзни ёшлатувчи газ ишлатган.
Франсия Ички ишлар вазирлиги маълумотига кўра, мамлакат бўйлаб намойишларда 320 минг киши, жумладан, Парижнинг ўзида 70 минг киши қатнашган.
Марселда ҳам ўт қўйиш ҳолатлари қайд этилиб, ёнғинларни ўчириш учун ўт ўчирувчилар жалб қилинган. Ренн ва Тулузада полиция билан тўқнашувлар бўлган. Реннда айрим намойищилар ҳуқуқ-тартибот органлари ходимларига турли буюмлар улоқтирган.
Франсияда норозилик намойишлари сентябр ойидан бери давом этмоқда. Дастлаб юқори синф ўқувчилари таълим жараёнидан норозилик билдириб, дарсларни тўхтатган ва айрим жойларни ёқиб юборганди. Тартибсизликлар сабаб мамлакат бўйлаб юзлаб лицейлар ёпилган.
Кейинчалик норозилик намойишлари кенгайиб, инфляция, ёқилғи нархининг ошиши ва аҳолининг харид қобилияти пасайишига қарши чиқишларга айланган.
Франсия бош вазири Себастьен Лекорню 2027-йилги президентлик сайловлари арафасида мамлакатда тартибсизликлар узоқ давом этиши мумкинлигидан огоҳлантирди.