Франсия атомдан, Норвегия сувдан: мамлакатлар электрни қаердан олади?
2025-йилда Франсияда электр энергиясининг қарийб 69 фоизи атом стансияларида, Норвегияда эса 90 фоизи гидроелектр стансияларида ишлаб чиқарилган. Данияда шамол, Хитой ва Ҳиндистонда кўмир энг йирик манба бўлган. Эмбер таҳлил маркази маълумотлари мамлакатларнинг электр ишлаб чиқариш таркиби кескин фарқ қилишини кўрсатмоқда.
Франсия атомдан, Норвегия сувдан: мамлакатлар электрни қаердан олади?
Унда 18 мамлакатнинг тўлиқ 2025-йил якунлари солиштирилган.
Кўрсаткичлар мамлакат ичида ишлаб чиқарилган электр энергиясида ҳар бир манбанинг улушини билдиради. Улар электр стансияларининг ўрнатилган қуввати ёки мамлакатнинг барча турдаги энергия истеъмолини англатмайди.
Қайси давлат қайси манбага таянади?
Франсияда атом электр стансиялари жами электрнинг 68,79 фоизини таъминлаган. Норвегияда эса гидроенергетика улуши 90,03 фоизга чиққан.
ГЕСлар Канада ва Бразилияда ҳам электр ишлаб чиқаришнинг ярмидан кўпини берган:
Канада — 52,84 фоиз;
Бразилия — 51,78 фоиз.
Данияда энг катта манба шамол бўлиб, унинг улуши 57,69 фоизни ташкил этган.
АҚШда газ электр ишлаб чиқаришнинг 39,99 фоизини таъминлаган. Россияда ҳам газ етакчи — 44,70 фоиз. У ерда қолган йирик манбалар кўмир — 18,40 фоиз, атом энергетикаси — 18,33 фоиз ва гидроенергетика — 16,74 фоиз бўлган.
Хитойда кўмир улуши 54,35 фоиз бўлиб қолган. Шу билан бирга, қуёш ва шамолнинг биргаликдаги улуши 21,81 фоизга етган.
Ҳиндистонда электрнинг 70,82 фоизи, Жанубий Африка Республикасида эса 81,36 фоизи кўмир ҳисобига ишлаб чиқарилган.
Жаҳон миқёсида қайта тикланувчи манбалар кўмирдан ўзган. Эмбер маълумотларига кўра, 2025-йилда қайта тикланувчи манбаларнинг жаҳон электр ишлаб чиқаришидаги жами улуши