Фарғонада ака-ука онаси ва ўгай отасини ўлдиргани учун умрбод ва 13 йилга озодликдан маҳрум этилди
Фарғонада суд онаси ва ўгай отасини ўлдириш иши бўйича икки ака-укага нисбатан ҳукм чиқарди. Шунингдек, улар кичик укасини ўлдиришга суиқасд қилишда ҳам айбдор деб топилди. Иш материалларига кўра, ака-укалар онасининг квартираси, тақинчоқлари ва пулларини эгаллаб олишни режалаштирган. Тўнғич ака аввал онасини, кейин эса ўгай отасини ўлдирган. Шундан сўнг улар жасадларни яшириб, жиноят изларини йўқотишга уринишган. Ака-укалар шунингдек […]
Фарғонада икки ака-ука онаси ва ўгай отасини ўлдиргани учун умрбод ва 13 йилга озодликдан маҳрум этилди
Фарғонада суд онаси ва ўгай отасини ўлдириш иши бўйича икки ака-укага нисбатан ҳукмни эълон қилди. Бундан ташқари, улар кичик укасини ўлдиришга суиқасд қилишда ҳам айбдор деб топилди.
Иш ҳужжатларига кўра, ака-укалар онасининг квартираси, тақинчоқлари ва пулларини эгаллаб олмоқчи бўлишган. Тўнғич ака аввал онасини, кейин эса ўгай отасини ўлдирган. Шундан сўнг улар жасадларни яшириб, жиноят изларини йўқотишга уринишган.
Шунингдек, ака-укалар кичик укасини ҳам ўлдирмоқчи бўлишган. Бироқ у қочиб қутулишга ва қўшнилардан ёрдам сўрашга муваффақ бўлган. Кейин маҳкумлар уйдан пул, тақинчоқлар ва телефонларни олиб, воқеа жойидан қочиб кетишган.
Суд тўнғич акани қасддан одам ўлдириш, одам ўлдиришга суиқасд қилиш, вояга етмаган шахсни жиноятга жалб қилиш ва ўғриликда айбдор деб топди. Унга махсус тартибли колонияда умрбод озодликдан маҳрум қилиш жазоси тайинланди.
Унинг 17 ёшли укаси одам ўлдириш, одам ўлдиришга суиқасд қилиш ва ўғриликда айбдор деб топилди. У тарбия колониясида 13 йилга озодликдан маҳрум этилди.
Ҳукм устидан ўн кун ичида шикоят қилиниши мумкин.