Эроннинг янги нишонлари: интернет-кабеллардан тортиб маълумотларни қайта ишлаш марказларигача
АҚШ ва Израилнинг Иронга эҳтимолий янги зарбалари ҳақидаги хабарлар низонинг навбатдаги босқичи эҳтимолини оширмоқда. Теҳрон эса жавоб зарбалари кўламини кенгайтириш билан таҳдид қилмоқда: гап Форс кўрфазидаги интернет-кабеллари, дата-марказлар ва замонавий технологиялар объектлари ҳақида бормоқда. Bu ҳақда «Геосиёсат» кўрсатувида маълум қилинди.
Эроннинг янги нишонлари: интернет-кабеллардан тортиб дата-марказларгача
— Хабарларга кўра, АҚШ ва Израиль оралиқ сайловлардан сўнг Эронга янги зарба бериш бўйича аниқ режаларни тайёрлаб қўйган. Эрон бунга янада кескин эскалация билан жавоб қайтариши мумкинми ва у қайси объектларга зарба беришга қодир?
Биринчидан, 28 февраль куни АҚШ ва Израиль Эрон билан музокаралар ҳали давом этаётган бир пайтда, тўсатдан мамлакатга кучли зарбалар берди. Оқибатда Эрон олий раҳбари Али Хаменеи, унинг оиласининг салмоқли қисми ва мамлакат элитаси ҳалок бўлди. Буни ноқонуний қотиллик сифатида қараб чиқиш керак. АҚШ қонунчилиги нуқтаи назаридан ҳам, халқаро ҳуқуқ нуқтаи назаридан ҳам бундай ҳаракатларни оқлайдиган асослар мавжуд эмас эди. Хусусан, БМТ Хавфсизлик Кенгашининг Эрон давлат раҳбарини ўлдиришга рухсат берувчи ёки шу каби ҳаракатларни оқловчи резолюцияси бўлмаган.
Шундан сўнг АҚШ ва Израиль Эронга кенг кўламли ҳарбий зарбалар берди. Бироқ Вашингтон ва Тель-Авив қўйилган мақсадларга эриша олмади. Кейин улар бу мақсадларга ҳарбий босим, иқтисодий санкциялар ва бошқа гибрид усуллар ёрдамида эришишга ҳаракат қилишди. Бошқача айтганда, ҳарбий йўл билан эришиб бўлмаган нарсага иқтисодий босим орқали эришишга, агар санкциялар кутилган натижани бермаса — яна ҳарбий ёки бошқа воситаларни ишга солишга уринишлар қилинди. Лекин бу уринишлар ҳам керакли натижани бермади. Чамдон икки ҳафта олдин Эрон расмий шахслари янги огоҳлантириш билан чиқиш қилишди.
Уларнинг сўзларига кўра, агар АҚШ ёки Израиль Эронга яна ҳужум қилса, Теҳрон минтақадаги Америка манфаатлари билан боғлиқ инфратузилма объектларига зарба бериши мумкин. Бу рўйхатга маълумотларни қайта солиш марказлари — дата-марказлар, серверлар, сув ости интернет-кабеллари ва АҚШнинг геостратегик манфаатларига хизмат қилувчи бошқа объектлар киради. Эрон томони ушбу объектларнинг жойлашуви ҳақида етарлича маълумотга эга эканини билдирди. Баъзи баёнотларда ушбу инфратузилманинг умумий қиймати деярли 2 триллион долларга баҳоланган.
Албатта, бу рақамни алоҳида текшириш керак. Бироқ Яқин Шарқнинг кўплаб мамлакатларида, шу жумладан АҚШнинг араб давлатлари орасидаги иттифоқчилари ҳудудида Америка манфаатлари билан боғлиқ муҳим инфратузилма объектлари мавжуд. Эроннинг таъкидлашича, шу вақтгача Теҳрон ушбу объектларга қасддан зарба бермаган. Бунга урушнинг янада кенгайиб кетишига йўл қўймаслик истаги ва бошқа ҳарбий нишонларга эътибор қаратишга интилиш сабаб бўлган. Аммо агар АҚШ Эронга яна ҳужум қилса, Эрон бу инфратузилма объектларини ҳам нишонга олиши мумкин, деб огоҳлантирди Теҳрон.