Дунё вақтини Ернинг айланишидан мустақил қилишмоқчи
Дунё вақтини Ернинг айланишига боғлиқ бўлмаган ҳолатга келтириш таклиф қилинмоқда
Халқаро мутахассислар Координация қилинган универсал вақтни (UTC) кибиса сониялари ёрдамида тузатишдан воз кечиш таклифи билан чиқишди. Агар қарор маъқулланса, янги тизим 2027 йил 20 майдан бошлаб кучга киради.
Ҳозирда UTC Ернинг айланиши билан белгиланадиган вақтдан фарқ қилмаслиги учун вақти-вақти билан тузатиб турилади. Илгари бунинг учун дунё вақтига бир сония қўшилар эди, бироқ сайёра айланишининг тезлашиши тескари вазият юзага келиши эҳтимолини пайдо қилди: тарихда илк бор бир сонияни олиб ташлаш талаб этилиши мумкин. Бундай механизм ҳеч қачон қўлланилмаган ва реал шароитларда синовдан ўтказилмаган.
Муаммо биринчи навбатда рақамли инфратузилмага тегишли. Вақтнинг ҳатто бир сонияга бўлса ҳам кескин ўзгариши телекоммуникация, сунъий йўлдош навигация тизимлари, энергетика ва аниқ синхронлаштириш зарур бўлган бошқа тармоқларда узилишларга олиб келиши мумкин. Шу боис, UTC вақтини узлуксиз қилиш ва унинг Ер айланиши вақти билан фарқи бир соатгача етишига йўл қўйиш таклиф этилмоқда. Ҳисоб-китобларга кўра, бундай фарқ тўпланиши учун асрлар керак бўлади.
Қарор лойиҳаси 13-15 октябрь кунлари Францияда бўлиб ўтадиган Ўлчов ва тарозилар бўйича бош конференцияда кўриб чиқилади.