«Дизайн шаҳарни қандай ўзгартиради» — иккинчи Tashkent Design Week мавзуси. Тафсилотлар
Иккинчи Tashkent Design Week 26 октябрь — 1 ноябрь кунлари бўлиб ўтади. Бу йилги ҳафталик Янги Тошкентни ривожлантириш ҳамда шаҳар муҳитини шакллантиришда архитектура, дизайн ва урбанизмнинг ўрнига қаратилган. Тошкентнинг модернистик мероси, шаҳар идентиглиги ва таълимга алоҳида эътибор қаратилади.
«Дизайн шаҳарни қандай ўзгартиради» — Tashkent Design Week иккинчи мавсумининг мавзуси шундай. Тафсилотлар
Архитекторлар, дизайнерлар, урбанистлар, девелоперлар ва креатив индустрия вакилларини бирлаштирувчи халқаро платформа — Tashkent Design Week иккинчи мавсуми пойтахтда 26 октябрдан 1 ноябргача бўлиб ўтади. Ҳафталикнинг мавзуси — «Дизайн шаҳарни қандай ўзгартиради».
Бу йил асосий урғу Янги Тошкентнинг ривожланишига ҳамда янги шаҳар муҳитини яратишда архитектура, дизайн ва урбанизм қандай роль ўйнашига қаратилади. Ташкилотчилар Тошкентнинг модернистик меросига, шаҳар идентичлигини сақлаб қолишга, шунингдек, дизайн ва архитектура соҳаларидаги таълимга алоҳида эътибор қаратилишини маълум қилишди.
Лойиҳа Ўзбекистон Маданият ва санъатни ривожлантириш жамғармаси кўмагида, Дизайнерлар ва архитекторлар ҳамжамияти, Uzbekistan Creative Park, «Янги Тошкент» дирекцияси, Tashkent City Mall, Premium Concept дизайн маркази, UFDC ва пойтахт ҳокимлиги билан ҳамкорликда амалга оширилмоқда.
Дастурга public talks форматидаги муҳокамалар, тақдимотлар, предметли дизайн кўргазмаси, архитектура лойиҳалари ва шаҳар ивентлари киради.
«Ўзбекистон етакчи халқаро маданий ва дизайн майдончаларида тобора фаолроқ намоён бўлмоқда, бу эса маҳаллий ижодий ҳамжамият ва халқаро профессионал муҳит ўртасида янги алоқаларни яратмоқда. Ушбу мулоқотни мамлакат ичида ривожлантириш ҳам камроқ муҳим эмас», — деди Президент администрацияси Креатив иқтисодиёт ва туризм департаменти раҳбари ҳамда Маданият ва санъатни ривожлантириш жамғармаси раиси Гаянэ Умерова.
Тадбирлар бир нечта майдонда бўлиб ўтади: Tashkent City Mall’даги Design Atrium’да, Замондош санъат марказида, Premium Concept Showroom’да, Миллий боғда ва Ўзбекистон Давлат санъат музейида. Қатор локацияларда бир қатор арт-объектлар ҳам режалаштирилган.
Ҳафталикнинг асосий воқеаларидан бири 2 миллион аҳолига мўлжалланган пойтахт ёнидаги шаҳар — Янги Тошкент макетининг намойиши бўлади.
Лойиҳада баланд қаватли миноралар комплекси ва Zaha Hadid Architects архитектура бюроси томонидан ишлаб чиқилган Алишер Навоий номидаги Халқаро тадқиқот маркази тақдим этилади. Марказда адабиёт музейи, тадқиқот ва таълим майдонлари, шунингдек, маданий тадбирлар учун майдончалар жойлашади.
«Янги Тошкентнинг келажаги фақат бинолар билан белгиланмайди. Гап янги шаҳар муҳити, идентичлик ва ҳаёт сифатини яратиш ҳақида бормоқда. Дизайн бу жараёнда муҳим роль ўйнайди. Tashkent Design Week профессионал ҳамжамият ушбу қарашни муҳокама қилиши ва биргаликда шакллантириши мумкин бўлган майдонни яратади», — деди «Янги Тошкент» дирекцияси директори Давронжон Одилов.
Public talks дастури архитектура стратегиялари, барқарор лойиҳалаш, жамоат жойларини яратишда технологияларнинг роли, Янги Тошкентнинг дизайн-кодини шакллантириш, шунингдек, Тошкент модернизмлари, унинг шаҳар идентичлиги учун аҳамияти ва архитектура меросини ҳимоя қилишга бағишланади.
Иштирокчилар технологик инновациялар, маданий контекст ва шаҳар муҳитини лойиҳалашга замонавий ёндашувларни бирлаштира оладиган мутахассисларни тайёрлашни муҳокама қиладилар.
«Архитектура ва дизайн таълим асосидан бошланади. Янги авлод мутахассисларига киритилган инвестициялар шаҳарларимиз ва ҳамжамиятларимиз келажагини белгилайди. Биз Tashkent Design Week иккинчи мавсумининг оммавий дастури ҳамташкилотчилари сифатида чиқиш қилишдан ва талабаларга профессионал мулоқотнинг бир қисмига айланиш имкониятини тақдим этишдан мамнунмиз», — деди Central Asian University Архитектура ва дизайн мактаби декани Шукрулло Жаҳонгиров.
Муҳокамаларда ARC Architects архитектори Бобир Қличев, архитектор-урбанист, SAD Studio асосчиси Мария Султанова, Lyudi Architects архитектура бюроси вакиллари, япон архитектори Тадао Андонинг архитектура концепцияси бўйича Ўзбекистон Миллий музейи лойиҳаси устида ишлаётган Atelier Brückner (Германия) архитектура ва дизайн бюроси раҳбари Ширин Брюкнер, шунингдек, янги шаҳарнинг бош режаси устидаги ишларни тақдим этадиган Cross Works халқаро архитектура ва технологик компанияси вакили Ҳакан Агджа иштирок этади.
Tashkent Design Week 2026 предметли экспозицияси маҳаллий ва халқаро дизайнерларнинг мебеллари, интерьер буюмлари ва бошқа ишларини бирлаштиради. Тақдим этилган лойиҳаларда анъанавий ҳунармандчилик амалиётлари ва материаллари янгича талқинга эга бўлади.
Экспозиция маҳаллий техникалар ва материаллар билан ишлаш маданий контекст, функционаллик ва муаллифлик ёндашувини бирлаштирган ҳолда, замонавий предметли дизайннинг бир қисмига қандай айланишини кўрсатади.
Експонатлар орасида — J-Kim бренди асосчиси Женя Кимнинг экспериментал стуллари, испан дизайнери Мариви Бомбареллининг мебеллари ва Игорь Липкиннинг Design 49 халқаро студияси столлар мавжуд.
27 октябрдан 31 октябргача City Activation дастури маҳаллий ва халқаро брендларнинг 20 дан ортиқ салон ва шоурумларини бирлаштиради. Унга кўргазма лойиҳалари, янги коллекциялар тақдимоти ва Тошкентнинг турли майдончаларидаги профессионал тадбирлар киради.
Воқеаларнинг бир қисми олдиндан рўйхатдан ўтиш орқали очиқ бўлади. Ҳафталикнинг асосий майдончалари ўртасида ҳаракатланиш учун шаттл ташкил этилади.
Ўтган йили Tashkent Design Week’нинг биринчи мавсуми 1000 дан ортиқ ташриф буюрувчиларни, 30 дан ортиқ тадбирларни, 20 та тақдимот ва 41 та спикерни йиғди. Тадбирлар шаҳарнинг 20 дан ортиқ майдонида бўлиб ўтди, лойиҳанинг рақамли қамрови эса 6 миллион кишидан ошди.
«Бу йил биз Янги Тошкентни, маҳаллий профессионал ҳамжамиятларни, бизнесни, таълим институтларини ва халқаро иштирокчиларни бирлаштирган ҳолда дастурни кенгайтирмоқдамиз. Бизнинг мақсадимиз — ҳафталикни шаҳар билан бирга ривожлантириш ва Ўзбекистон дизайн индустриясидаги ўзгаришларни акс эттирувчи платформа яратишдир», — деди Tashkent Design Week CEO’си Саид Фазилов.