Дисней харажатларни 20 фоизга камайтириш учун минглаб ходимларни ишдан бўшатишни режалаштирмоқда
Прогнозларга кўра, бу сафарги қисқартиришлар компаниянинг баъзи тармоқларига кескинроқ таъсир қилади.
Дисней харажатларни 20 фоизга тушириш учун минглаб ходимларни қисқартиришни режалаштирмоқда
Валт Дисней Со медиа корпорацияси минглаб иш ўринларини камайтиришни режалаштирган.
Компаниядаги аноним манбаларнинг айтишича, айрим менежерларга жорий йиллик харажатларни 20 фоизгача тежаш бўйича чоралар кўриш топширилган. Улар бу мақсадга ходимлар сонини қисқартириш орқали эришишни кўзламоқда.
Прогнозларга кўра, бу галги қисқартиришлар компаниянинг айрим йўналишларига янада кучлироқ таъсир кўрсатади. Улар орасида тематик кўнгилочар парклар, телеканаллар ва киностудия бор. Манбаларга кўра, бош директор Жош ДъАмаро тежалган маблағларни кино ва телевидение маҳсулотлари ишлаб чиқариш, технологиялар ҳамда круиз бизнесига йўналтиришни мақсад қилган.
Компания эса бу маълумот юзасидан нашрга изоҳ беришдан бош тортган.
Маълумот учун, сўнгги йилларда Дисней миллиардлаб доллар харажатларни қисқартирди ва минглаб ходимларни ишдан бўшатди. Шунингдек, АБС, Пихар ва ЭСПН каби йирик брендлар ходимлари ҳам қисқартиришларга дуч келган эди.