Дарахтлар şох-şаббаси ортини «кöрадиган» сунъий йöлдоş Ернинг янги тасвирларини олди
Европа космик агентлиги - ЭСА Биомасс сунъий йöлдоşининг биринçи йилда олган тасвирларини эълон қилди. Улар тропик öрмонлар, Индонезия мангрзорлари, Ямал тундраси ва Антарктида музликларини қамраб олади. Аппарат радари қалин şох-şабба орасидан öтиб, дарахтларнинг ёğоç қисми ҳақида маълумот тöплай олади.
Дарахтлар шох-шаббаси ортини «кўрадиган» сунъий йўлдош Ернинг янги тасвирларини олди
Тасвирлар тўплами 2026-йил 29-апрелда — сунъий йўлдош учирилганига бир йил тўлиши муносабати билан тақдим этилган
Биомасс, аввало, ўрмонлардаги углерод захираларини баҳолаш учун яратилган. Унга орбитага чиқарилган илк П-диапазонда ишловчи синтезланган апертурали радар ўрнатилган. Унинг сигнали қалин шох-шабба орасидан ўтиб, дарахт танаси ва йирик шохлари тўғрисида маълумот олади. Ўрмон углеродининг асосий қисми айнан ёғочда сақланади.
Тўпламдаги тасвирлардан бири Ангола ва Конго Демократик Республикаси чегарасидаги ҳудудларни кўрсатади. 2025-йил 20-июнда олинган тасвирда Конго, Касаи ва Кванго ҳавзаларидаги дарё ирмоқлари бўйлаб чўзилган тор ўрмон йўлаклари ажралиб туради. Улар орасида саванна ҳудудлари жойлашган.
21-июнда олинган бошқа тасвирда Ямал яриморолининг бир қисми акс этган. Тундра фонида кўплаб юмалоқ термокарст кўллари кўринади.
Индонезиянинг Калимантан ҳудудидаги Берау дарёси делтасида эса радар мангр ўрмонлари ва ботқоқ тропик ўсимликлар орасидаги тармоқланган ўзанларни қайд этган. Бу тасвир 22-июнда олинган.
Антарктида тасвири 2025-йил 10-ноябрга тегишли. У Палмер Ерининг ғарбий қисмида денгиз томон ҳаракатланаётган Грейс музлик оқимини қамраб олади. Патга ўхшаш ингичка чизиқлар муздаги ёриқларни кўрсатади. Улар музлик нотекис асос устидан ҳаракатланганда ва соҳил томон тезлашганда юзага келадиган ички кучланишлар туфайли пайдо бўлади.
Тасвирлардаги ранглар шартли. Маълумотларни қайта ишлашда қайтган радар сигналининг турли хусусиятларига алоҳида ранглар берилади. Бу усул ер юзаси ва ўсимликлар тузилишини фарқлашга ёрдам беради. Шунинг учун яшил, кўк ёки пушти ҳудудлар жойнинг ҳақиқий рангини англатмайди.