Дам олиш кунлари қуруқ ва илиқ об-ҳаво кузатилади
Ўзбекистонда дам олиш кунлари қуруқ ва илиқ об-ҳаво сақланиб туради. Ҳарорат кечалари +5…+15 даража, кундуз кунлари +18…+27 даража атрофида бўлади. Тоғли ҳудудларда ёмғир қорга айланиши мумкин.
Дам олиш кунларида қуруқ ва илиқ об-ҳаво сақланади
16−18-октабр кунлари Ўзбекистон ҳудуди бўйлаб қуруқ ва илиқ об-ҳаво давом этади, дея хабар бермоқда Ўзгидромет.
Ҳаво ҳарорати асосан кечалари +10…+15 даража, кундуз кунлари +22…+27 даража бўлади, шимолий ҳудудларда эса 17−18-октабрда кечалари +5…+10 даража, кундуз кунлари +18…+23 даража кузатилади.
Шамол шарқдан 7−12 м/с тезликда эсади. Тоғли ҳудудларда 16-октабрда ёғингарчилик кутилмайди, 17−18-октабрда айрим тоғолди ва тоғли ҳудудларда ёмғир ёғиши, баланд тоғларда эса қорга айланиши мумкин.
Тошкент шаҳрида дам олиш кунлари ёғингарчилик кутилмайди. Шамол шарқдан 3−8 м/с тезликда эсади. Ҳаво ҳарорати кечалари +12…+14 даража атрофида, кундуз кунлари 16-октабрда +24…+26 даража, 17−18-октабрда +22…+24 даража бўлади.