CNN: Маск ошкор қилинган хайриялар бўйича 2026 йилги сайловларнинг энг йирик индивидуал донорига айланди
Америкалик тадбиркор Илон Маск 2026 йилги АҚШ Конгрессига сайловлар кампаниясининг энг йирик очиқ якка тартибдаги донорига айланди, деб хабар беради CNN нашри.
CNN: Маск хайриялари ошкор қилинганлар орасида 2026 йилги сайловларнинг энг йирик хусусий донорига айланди
Аниқлик киритилишича, октябрь орталарига келиб унинг сиёсий бадаллари 400 млн доллардан ошган. Сенат пойгаларида маблағ йиғиш ҳажми бўйича республикачилар олдинда бормоқда, деб қайд этди нашр.
ОАВ маълумотларига кўра, Маск Вакиллар палатаси ва Сенатда республикачилар кўпчилигини сақлаб қолишга қаратилган кампанияларни молиялаштирмоқда; 2024 йилги сайловларда у Дональд Трамп ва республикачиларни қўллаб-қувватлаш учун 290 млн долларга яқин маблағ сарфлаган. Сентябрь ойида Маск иккита ўтказма орқали Сенатга республикачи номзодларни қўллаб-қувватловчи Senate Leadership Fund қўмитасига 158 млн доллар юборди. CNN'нинг ёзишича, бу пуллар, афтасидан, дарҳол Техасдан Сенатдаги ўрин учун демократ Джеймс Таларикога қарши курашаётган республикачи Кен Пакстонни қўллаб-қувватловчи Texas PAC ташкилотига келиб тушган. Senate Leadership Fund циклик давр ичида 540 млн доллардан ортиқ маблағ йиғди, демократларнинг Senate Majority PAC қўмитаси эса — 354 млн доллар.
Демократларнинг йирик донорлари орасида Джордж Сорос ва Майкл Блумберг тилга олинмоқда. Сороснинг ўғли Алекс раҳбарлигидаги тузилмалар Democracy PAC ва Democracy PAC II қўмиталарига 100 млн доллардан ортиқ маблағ йўналтирди; Блумберг демократларни қўллаб-қувватлаш учун қўшимча 80 млн доллар ажратишини эълон қилди. Республикачилар кампанияларини, шунингдек, Трамп билан боғлиқ бўлган MAGA Inc. ҳам молиялаштирмоқда: президент унинг сиёсий ташкилотлари овоз бериш кунигача 400 млн долларгача маблағ сарфлашни режалаштираётганини маълум қилди. Қўмита, шунингдек, иккита янги super PAC — No Going Back PAC ва Safety & Аффордабилитй ПАС'ни қўллаб-қувватлайди. Сентябрь ойида MAGA Inc. 24 млн доллар йиғди; Стив Уинн 8 млн доллар, Стивен Шварцман ва Дайан Хендрикс 5 млн доллардан ўтказди, яна 1 млн долларни ICE объектларини бошқариш бўйича федерал шартномаларга эга бўлган хусусий қамоқхона компаниясининг шўъба тузилмаси — GEO Reentry Services киритди.
CNN таъкидлайди: аввалроқ Маск Трамп билан келишмовчиликлардан сўнг республикачилардан узоқлашиш ва ўз партиясини тузиш нияти борлигини айтган эди, бироқ сўнгги хайриялар у ҳамон республикачилар кампанияларини қўллаб-қувватлаётганини кўрсатмоқда.