ЧатГПТ 31 та давлатдаги фойдаланувчиларга реклама кўрсатишни бошлайди

ЧатГПТ 31 та давлатдаги фойдаланувчиларга реклама намойиш этишни бошлайди

ЧатГПТ 24-августдан бошлаб Европанинг 31 та мамлакатидаги фойдаланувчиларга реклама кўрсатишни бошлайди. Бу ҳақда чатботни яратган ОпенАИ компанияси маълум қилди.

Рекламалар ЧатГПТънинг бепул ва энг арзон Го обунаси фойдаланувчиларида пайдо бўлади. Плус, Про ва Энтерприсе тарифлари бундан мустасно. ОпенАИ 31 та мамлакатнинг тўлиқ рўйхатини эълон қилмаган, аммо улар орасида Германия, Франсия, Испания, Италия, Швеция, Норвегия, Дания, Нидерландия ва Австрия бор.

Шу билан бирга, компаниянинг реклама платформасида таргетинг учун мавжуд мамлакатлар рўйхати Европа Иттифоқининг барча 27 та давлати, шунингдек, Исландия, Лихтенштейн, Норвегия ва Швейсарияни қамраб олади.

Бу ЧатГПТ реклама дастурининг ишга туширилгандан буён энг йирик кенгайтмасидир. ОпенАИ 2026-йил феврал ойида АҚШда рекламани синовдан ўтказишни бошлаган, шундан сўнг уни яна саккизта бозорга тарқатган.

Компания маълумотларига кўра, ЧатГПТъдаги рекламадан аллақачон ўн минглаб маркетологлар фойдаланган. Европадаги мижозлар ОпенАИ Адс Солутионс бўлими, агентликлар ва технологик ҳамкорлар орқали реклама жойлаштириши мумкин бўлади. Компания Адс Манагер орқали мустақил кириш имкониятини кейинроқ очишга ваъда бермоқда.

Блоомберг январ ойида ОпенАИ илк бор ЧатГПТъга реклама интеграция қилишга тайёрланаётгани ҳақида ёзган эди. Ўшанда компания реклама эълонлари чатбот жавоблари остида кўрсатилишини ҳамда у бепул версия ва Го тарифи фойдаланувчиларига кўринишини билдирган эди.

ОпенАИ раҳбари Сем Алтман эса ЧатГПТъни монетизация қилиш учун рекламани “энг сўнгги чора” деб атаган эди. Компания 18 ёшдан кичик фойдаланувчиларга реклама кўрсатмаслигини маълум қилган. Шунингдек, реклама берувчилар фойдаланувчиларнинг ёзишмаларига кира олмаслиги, рекламаларнинг ўзи эса ЧатГПТ жавобларидан ажратилгани ва уларнинг мазмунига таъсир этмаслиги таъкидланган.