Буюк Британияда аҳолига уйда 3 кунлик фавқулодда захира сақлаш тавсия қилинди
Британия ҳукумати аҳолига уйда 3 кунлик фавқулодда сув ва озиқ-овқат захирасини сақлашни тавсия қилди. Расмийларга кўра, бундай эҳтиёт чораси зарурлигини ПҲП тизимидаги йирик глобал носозлик ҳамда ёзда кузатилган табиий офатлар кўрсатиб берган.
Буюк Британияда аҳолига уйда 3 кунлик фавқулодда захира сақлаш тавсия қилинди
Буюк Британия ҳукумати 23-октабр куни аҳолига уйда 3 кунлик фавқулодда захира сақлашни тавсия қилди, деб ёзмоқда Ҳукуматнинг билдиришича, бу эҳтиёжни шу ҳафта юз берган ПҲП дастурий таъминотидаги носозлик, шунингдек, рекорд даражадаги иссиқ, қурғоқчилик ва ўрмон ёнғинлари кузатилган ёз фасли яна бир бор яққол намоён этди.
Чоршанба куни тизимдаги камчиликлар фош этилгач, дунё бўйлаб ҳукуматлар ва бизнес тузилмалари ПҲП дастурлаш тилида ишлайдиган тизимлар хавфсизлигини таъминлашга шошилди. Бу ҳолат айрим хизматлар тўхтаб қолишига ва сўнгги йиллардаги энг йирик киберхавфсизлик ҳодисаларидан бирига айланган миллионлаб ҳакерлик ҳужумларига олиб келди.
Британия ҳукумати интернетдаги бундай узилишлар аҳолига уйда уч кунга етадиган қадоқланган сув ва тез бузилмайдиган озиқ-овқат захирасини сақлашни тавсия этувчи, яқинда ишга туширилган Бе Реадй (“Тайёр бўл”) кампаниясининг қанчалик муҳимлигини кўрсатганини маълум қилди.
Ўрмон ёнғинларига қарши кураш бўйича йиғилиш ўтказган бош вазир Энди Бёрнем аввал Британия фавқулодда вазиятларга нисбатан ҳимояланиш позициясида бўлганини, эндиликда эса проактив ҳаракат қилиши кераклигини таъкидлади. Ҳукумат ҳарбий авиацияни жалб этишни ҳам ўз ичига олган ўрмон ёнғинларига қарши курашиш бўйича янги режани эълон қилди.
Мудофаа вазири Уес Стритинг сунъий интеллект анъанавий ҳимоя чораларини четлаб ўтиш йўлларини осонлаштираётгани сабабли ПҲП тизимидаги узилиш каби киберҳодисалар янада кўпайишини айтди. Шунингдек, у дўст бўлмаган давлатлар, уюшган жиноятчилик ва иқлим ўзгаришидан келиб чиқадиган хавф-хатарларни санаб ўтди. “Буюк Британия, шубҳасиз, менинг бутун умрим давомида кузатилган энг юқори хавф даражасига дуч келмоқда”, — деди у ББСъдаги чиқишида.
Британия берган тавсиялар Европа комиссиясининг ўтган йилги кўрсатмасига ўхшаш бўлиб, унда Европа Иттифоқи фуқароларига озиқ-овқат, сув, нақд пул ва повербанклар каби зарур воситалардан иборат 72 соатли фавқулодда тўплам сақлаш тавсия этилганди.