Буюк Британия ва Ирландия ўртасида паромда саёҳат қилувчи йўловчилар учун паспортлар талаб этилади
Илгари йўловчилар шахсни тасдиқловчи бошқа ҳужжатлардан, масалан, ҳайдовчилик гувоҳномаси ва миллий идентификация карталаридан (ID-карта) фойдаланишлари мумкин эди.
Буюк Британия ва Ирландия ўртасида паромда саёҳат қилувчи йўловчилардан паспорт талаб қилинади
Ўзгаришлар Буюк Британия Чегара хизмати (UK Border Force) қоидаларига мувофиқлаштириш мақсадида жорий этилмоқда.
Душанба кунидан бошлаб Буюк Британия ва Ирландия ўртасида паромларда саёҳат қилувчи йўловчилар паспорт кўрсатишлари керак бўлади.
Irish Ferries компаниясининг маълум қилишича, янги қоида унинг Дублиндан Холиҳедга ва Рослэрдан Пембрукка йўналишларида иккала томонга ҳам амал қилади.
Stena Line компанияси ҳам Дублин, Холиҳед, Фишгард ёки Рослэр портларидан саёҳат қилувчи барча йўловчилар рўйхатдан ўтиш пайтида амалдаги паспортни тақдим этишлари кераклигини билдирди.
Шу пайтгача йўловчилар шахсни тасдиқловчи бошқа ҳужжатлардан, жумладан, ҳайдовчилик гувоҳномалари ва миллий идентификация карталаридан (ID-карта) фойдаланишлари мумкин эди, бироқ ўзгаришлар Буюк Британия Чегара хизмати қоидаларига мувофиқлаштириш мақсадида жорий этилмоқда.
Stena Line ўз веб-сайтидаги баёнотида ушбу ўзгариш Буюк Британия Чегара хизматининг "паромга чиқишдан олдин йўловчилар маълумотларининг аниқлиги ва яхлитлигига оид" талабларини қондиришини айтди.
Irish Ferries ушбу талаб барча йўловчиларга, жумладан Ирландия ва Буюк Британия фуқароларига тааллуқли бўлишини таъкидлади ва душанба кунидан бошлаб мазкур икки йўналишда ҳайдовчилик гувоҳномалари, миллий идентификация карталари ва фотосуратли шахсни тасдиқловчи бошқа ҳужжатлар қабул қилинмаслигини қўшимча қилди.
Irish Ferries компаниясининг билдиришича, Буюк Британия ёки Ирландия фуқароси бўлмаган ва Буюк Британияга олти ойгача бўлган муддатга қисқа муддатли ташриф билан келаётган йўловчиларга Электрон саёҳат рухсатномаси (ETA) керак бўлиши мумкин, бу ҳужжат Буюк Британия, Жерси, Гернси ёки Мэн оролига олти ойгача бўлган муддатга саёҳат қилиш имконини беради.
Иккала оператор томонидан паспорт карталари (Passport cards) ҳам қабул қилинади.