Бухорода ёнғин хавфсизлиги қоидалари бузилгани сабабли ёнилғи омбори фаолияти тўхтатилди. Видео
Бухорода ёнғин хавфсизлиги қоидалари бузилгани сабабли ёнилғи-мойлаш материаллари омбори фаолияти вақтинча тўхтатилди. Видео
Фавқулодда вазиятлар вазири Азизбек Икрамов томонидан ўтказилган текширувдан сўнг, Бухорода ёнилғи-мойлаш материалларини сақлаш омбори фаолияти вақтинча тўхтатилди. Объектда ёнғин ва бошқа фавқулодда вазиятларга олиб келиши мумкин бўлган ёнғин хавфсизлиги талабларининг бузилиши аниқланди.
ФВВ маълум қилишича, резервуарлар тупроқ тўсиқ (обвалование) билан жиҳозланмаган, қувурлардан ёнилғи-мойлаш материаллари сизиб чиққан, электр кабелларидан эса талаблар бузилган ҳолда фойдаланилган. Бундан ташқари, резервуарлар орасидаги масофа лойиҳага мос келмаган, сўрувчи насослар қўлбола усулда ўрнатилган, барча ўнта сиғимда эса нафас олиш клапанлари мавжуд бўлмаган.
Омбор фаолияти масъул шахслар томонидан барча аниқланган қоидабузарликлар тўлиқ бартараф этилганидан кейингина қайта тикланади.