БМТ глобал исишни жиловлаш бўйича саъй-ҳаракатлар муваффақияцизликка учраганини тан олди
Селсий бўйича 1,5 даражалик меёр энди юқори чегара эмас, балки янги минимумга айланди.
БМТ глобал исишни чеклаш борасидаги саъй-ҳаракатлар муваффақияциз бўлганини тан олди
Олимлар кўпинча келгуси ўн йилликларга мўлжалланган иқлим мақсадлари ҳақида сўз юритади, шу сабаб дунёда глобал исишнинг энг оғир оқибатларини тўхтатиш учун ҳали вақт бор деган таассурот пайдо бўлиши мумкин. Бироқ БМТнинг янги ҳисоботида бу имконият аллақачон қўлдан бой берилгани айтилади.
Саноатлашувдан олдинги даврга нисбатан ҳароратнинг 1,5 даражага кўтарилиши муқаррар ва бу яқин йилларда юз беради.
Бу мезон узоқ вақтдан бери иқлимдаги хавфли бурилиш нуқталари билан боғлаб келинади. Гап океан оқимларининг издан чиқиши, абадий музликларнинг тез эриши ва тропик маржон рифларининг йўқолиб кетиши ҳақида бормоқда. Буларнинг барчаси сайёрадаги ҳаётни ўзгартириб юбориши мумкин бўлган ортга қайтмас оқибатлар ҳисобланади.
Кўпчилик тадқиқотчиларнинг ҳисоб-китобига кўра, дунёда ҳозир ҳарорат тахминан 1,4 даражага ошган. Агар иқлим бўйича берилган барча ваъдалар бажарилган тақдирда ҳам, БМТ ҳарорат камида 1,8 даражагача кўтарилишини прогноз қилмоқда. Ҳозирги сиёсат давом эца, аср охирига бориб исиш 2,6 даражага етиши мумкин.
Бундай ссенарий муқаррар деб баҳоланмайди, аммо у анча қатъий чораларни талаб қилади. БМТ 1,5 даражалик мақсадга юқори чегара сифатида эмас, балки келажакда сақлаб қолиш зарур бўлган минимал даража сифатида қарашни таклиф қилмоқда. Бунинг учун дунё асрнинг иккинчи ярмида карбонат ангидрид (СО2) чиқиндиларини барқарор равишда камайтиришга эришиши ва бошқа иссиқхона газларини қўшимча тарзда қисқартириши керак бўлади.
Ҳисобот муаллифлари ҳозир қабул қилинаётган қарорлар глобал исишни 1,5 даража атрофида ушлаб туриш имконияти қоладими-йўқми, шуни белгилаб беришини таъкидламоқда.
Унинг сўзларига кўра, ҳароратнинг ҳар ўндан бир даражасини пасайтириш орқали келажакдаги зарарни камайтириш мумкин.