Блоомберг: Россиянинг сентабрдаги йўқотишлари 50 мингдан ошган
Россия армияси сентабр ойида Украинада 50 мингдан ортиқ ҳарбийсини ҳалок бўлганлар ва жароҳатланганлар ҳисобида йўқотган. Блоомберг бу ҳақда 11-октабр куни НАТОнинг юқори мартабали вакилига таяниб хабар берди.
Блоомберг: Россиянинг сентабрдаги йўқотишлари 50 мингдан ошган
ДВънинг Блоомберғга таяниб ёзишича, НАТО вакили ҳалок бўлган россиялик ҳарбийлар сони 28 минг нафаргача етганини билдирган. Шундай экан, 50 мингдан ортиқ йўқотиш ҳақидаги баҳо фақат қурбонларни эмас, яраланганларни ҳам ўз ичига олади.
Алянсдаги манба шу даврда Украина Қуролли кучлари йўқотишларини қарийб 5 минг киши деб кўрсатган. Бироқ келтирилган хабарда бу рақам фақат ҳалок бўлганларними ёки жароҳатланганларни ҳам қамраб олиши аниқлаштирилмаган.
Блоомберг Россия қўшинлари ҳужумда натижага эришиш учун ҳарбийларни «ўлим зоналари»га йўналтираётганини ёзган. Агентлик бу атама билан дронлар, ерга ўрнатилган миналар, артиллерия ва бошқа мудофаа воситалари кенг қўлланадиган ҳудудларни назарда тутган.
Материалда Россиянинг уруш харажатлари ҳам ортиб бораётгани қайд этилган. Блоомберг баҳосига кўра, 2026-йил якунида Москва ҳарбий харажатлари 17 триллион рублга — қарийб 178 миллиард еврога — яқинлашиши кутилмоқда.
Бу Россия расмийлари 2025-йил охирида эълон қилган дастлабки кўрсаткичлардан тахминан 40 фоиз юқори.
Германия Федерал разведка хизмати — БНД раҳбари Мартин Егер ўтган ҳафта урушнинг давом этиши Владимир Путин учун уни сиёсий йўқотишларсиз тўхтатишни қийинлаштираётганини айтган эди.
Аввалроқ, август ойида Тҳе Гуардиан Россиянинг бир ойлик ҳарбий йўқотишлари армияга янги жалб қилинаётганлар сонидан қарийб 6 минг нафарга кўп эканини хабар қилган.
Нашрга гапирган ғарблик амалдорлардан бири катта йўқотишларни янги ҳарбийлар жалб қилиш орқали қоплаш имкониятлари чекланганини таъкидлаган. Унинг фикрича, бу Россиянинг Украина фуқаролик инфратузилмасига ҳужумларни кучайтириш тактикасини қисман изоҳлайди.
Амалдор Москва қишда энергетика инфратузилмасини вайрон қилиш орқали украиналикларнинг руҳиятини синдиришга уринаётганини айтган.