Битирувчиларини иш билан таъминлаган Ўзбекистоннинг энг яхши олийгоҳлари 500 миллион сўмдан оладилар
Ўзбекистоннинг энг яхши олий ўқув юртлари битирувчиларни ишга жойлаштиргани учун 500 миллион сўмдан олади
Ўзбекистонда Олий таълим муассасалари битирувчиларининг сифат индекси жорий этилмоқда. У собиқ талабаларнинг қанчалик муваффақиятли ишга жойлашаётгани, унда қолаётгани ва қанча даромад олаётганини кўрсатади. Энг яхши кўрсаткичларга эга бўлган йигирмата ОТМ ҳар йили 500 миллион сўмдан олиши мумкин бўлади.
Индексни ҳисоблаш тўртта мезон бўйича олиб борилади: ишга жойлашган битирувчилар улуши, уларнинг бандлик барқарорлиги, ўртача ойлик даромади ва бандлик тоифаси. Ҳисоб-китобга тегишли йилдаги бакалавриат ва магистратура битирувчилари киритилади.
Натижаларни баҳолаш Таълим сифатини таъминлаш агентлигига топширилади.
Бунинг учун давлат органларининг ахборот тизимларидан маълумотларни автоматик равишда оладиган алоҳида рақамли платформа ишлаб чиқилади. Уни 10 ноябргача ишга тушириш, зарур базаларни эса 1 декабргача улаш режалаштирилган.
ОТМлар ўз кўрсаткичларини шахсий кабинетлари орқали кузатиб боришлари мумкин бўлади. Агар натижаларни сунъий равишда яхшилашга уринишлар бўлса, таълим муассасаси жорий йилги рейтингдан чиқариб ташланиши мумкин.
Ҳар йили энг юқори натижаларга эришган 20 та ОТМ давлат бюджетидан 500 миллион сўмдан олиши мумкин бўлади. Маблағлар, жумладан, университетларнинг карьера марказлари фаолиятини рағбатлантиришга мўлжалланган.
, Ўзбекистон олий ўқув юртларининг 2024/2025 ўқув йилидаги деярли ҳар олтинчи битирувчиси иш топа олмаган.