Маҳаллий
Белградда Тошкент кўчаси пайдо бўлди
Белградда Тошкент кўчаси пайдо бўлди
Сербия пойтахти Белградда Тошкент шарафига номланган кўча очилди. Объект давлатимиз раҳбарининг расмий ташрифи доирасида Ўзбекистон Президенти Шавкат Мирзиёев ва Сербия Президенти Александр Вучич томонидан очилди.
Кўча янги номни Ўзбекистон пойтахти — бой тарихий-маданий меросни замонавий инфратузилма билан уйғунлаштирган Марказий Осиёнинг энг қадимий шаҳарларидан бирига бўлган ҳурмат белгиси сифатида олди.
Сербияда Тошкент кўчасининг пайдо бўлиши икки давлат, уларнинг халқлари ва пойтахтлари ўртасидаги дўстлик, ишонч ва ўзаро ҳурмат мустаҳкамланишининг ёрқин рамзи бўлгани таъкидланди.
Аввалроқ Сербия Президенти Мирзиёевга мамлакатнинг олий давлат орденини топширган эди.