Ауди компанияси А2 моделини электромобилга айлантирди
Ауди А2 э-трон ўта кам энергия сарфи ва рекорд даражадаги аеродинамик қаршилик кўрсаткичи билан немис бренди тарихидаги энг самарали автомобилга айланди.
Ауди компанияси А2 моделини электромобилга айлантирди
Янги модел аввалги автомобилга хос белгиларни — бурчаксимон кузов ва икки қисмли орқа ойнани — сақлаб қолган.
Ауди А2 2000-йилдан 2007-йилгача ишлаб чиқарилган. У кам қувватли, ҳажми 1,2 дан 1,4 литргача бўлган бензин ва дизел двигателлари билан жиҳозланган, фақат олд ғилдираклари тортадиган хетчбек эди.
Ауди компанияси А2 э–трон бренд тарихидаги энг самарали серияли автомобил эканини айтмоқда. Оптимал комплектацияда унинг энергия сарфи 100 км учун 12,8 кВт⋅соатни ташкил этади, ВЛТП сикли бўйича максимал юриш масофаси эса 645 км га етади.
Муҳандислар бунга фақат жуда катта батарея ўрнатиш орқали эришмаган. Автомобилнинг аеродинамик қаршилик коеффициенти 0,24 га тенг. Бундай натижага ёпиқ туб, ҳаво олгичнинг фаол тўсиғи, аеродинамик ғилдирак дисклари ва ғилдирак аркаларидаги турбулентликни камайтирувчи унсурлар ёрдамида эришилган.
Ҳатто эшик тутқичлари ҳам самарадорлик учун курашга ҳисса қўшади. Улар устунлар асосидаги бурилувчи механизмлар бўлиб, енгил тортилганда эшикни механик тортқисиз, электр узатма орқали очади. Ауди электр тизими ишдан чиққан ҳолатлар учун захира энергия манбаига эга.
А2 э–трон фақат орқа ғилдираклар ёрдамида ҳаракатланади, унда Қуаттро тизими йўқ. Уч хил батарея ва тўрт хил қувват даражаси мавжуд:
Катта батареяли автомобилларда ўзгармас ток билан тезкор қувватлаш функсияси қўллаб-қувватланади — қуввати 183 кВт гача бўлиб, 10% дан 80% гача 29 дақиқада тўлади. Кичикроқ батареяларда қувват 100 кВт билан чекланади, бироқ сиғими камроқ бўлгани сабабли улар 24 дақиқада тўлади.