АҚШда Пентагон ходимларининг маълумотлар базаси ҳакерлар томонидан бузилди
Ҳакерлар 3 миллиондан ортиқ ҳарбий хизматчи, фахрийлар, Пентагон ходимлари, пудратчилар ва ҳарбийларнинг оила аъзоларининг шахсий маълумотларини ўғирлаган бўлиши мумкин.
АҚШда Пентагон ходимлари ҳақидаги маълумотлар базаси хакерлар томонидан бузиб кирилди
Ҳужум Дефенсе Манповер Дата Сентер (ДМДС) ахборот тизимида юз берган. Ушбу марказ ҳарбий обьектлар ва компютер тармоқларига кириш имконини берувчи Мудофаа вазирлиги гувоҳномаларининг шахсини тасдиқлаш учун жавоб беради. Марказда жами 60 миллиондан ортиқ ёзув сақланади. Федерал Невс Нетворк маълумотлар шифрланмаганини ёзмоқда. Ноқонуний кириш илк бор 2025-йил октабр ойида аниқланган. Фақат 16-июл куни мутахассислар заифликни бартараф этган. Пентагоннинг айтишича, маълумотларга жуда оз сонли фойдаланувчи кириш ҳуқуқига эга бўлган.
Сизиб чиқиш яна шунга ўхшаш ҳодисадан бир ҳафта ўтмай маълум бўлди. ШинйҲунтерс гуруҳи ФҚБ ишга жойлашиш учун номзодларнинг асосий портали — ФБИЖобс базасига ноқонуний кирганини билдирган.
ФҚБ терговни тасдиқлади ва ҳар бир ходимининг шахсий маълумотлари ошкор бўлган бўлиши эҳтимолини инкор этмаяпти. Улар орасида уй манзиллари, шахсий ва иш телефонлари, туғилган саналар, ижтимоий суғурта рақамлари ҳамда қариндошларнинг алоқа маълумотлари бор. Хакерлар ҳатто ФҚБ ходимларининг тиббий маълумотларини — текширувлар, таҳлиллар ва касбга яроқлилик тестлари, шунингдек, психиатрик баҳолаш натижаларини ҳам қўлга киритган. Маълумотларда буюрилган дори-дармонлар, электрокардиограмма натижалари, аллергия ва депрессия белгилари ҳақидаги маълумотлар мавжуд.
ШинйҲунтерс ўғирланган маълумотларнинг бир қисмини аллақачон журналистларга берган. Реутерс агентлиги 5 минг ёзувдан иборат жадвални кўриб чиқди. Унда Хитой, Россия, Эрон ва «Ҳизбуллоҳ» билан шуғулланадиган, телекоммуникацияларда яширин техник кузатув олиб борадиган бўлинмалар ходимлари кўрсатилган. Журналистлар танланмадаги 20 киши ҳақидаги маълумотларнинг тўғрилигини тасдиқлади.