Пентагон базасидан 3 миллиондан ортиқ шахсга оид маълумотлар сизиб чиқди
АҚШ Мудофаа вазирлигининг кадрлар маълумотлари базасига рухсациз кирилиши оқибатида 2,76 миллион тирик ва 294 минг вафот этган шахсга оид маълумотлар ошкор бўлган. Улар орасида ижтимоий суғурта ва эгаллаб турилган лавозимларга доир маълумотлар ҳам бор.
Пентагон базасидан 3 миллиондан ортиқ шахсга оид маълумотлар сизиб чиқди
АБС Невс телеканали 29-сентабр куни АҚШ Мудофаа вазирлиги расмийсига таяниб шу ҳақда хабар берди. Бундан олдин киберҳужум ҳақида Милитарй Тимес нашри маълум қилган эди.
Пентагон вакилининг айтишича, 2025-йил октабридан 2026-йил июлигача оз сонли бегона фойдаланувчилар Мудофаа вазирлигининг Кадрлар маълумотлари маркази — ДМДСда сақланаётган шахсий маълумотларга рухсациз кириш имконига эга бўлган.
«Бу ҳолат аниқланиши билан ДМДС заифликни дарҳол бартараф этди», — деди вазирлик вакили.
АБС Невс суҳбатдошининг баҳолашича, сизиб чиқиш ҳажми ва ошкор бўлган маълумотларнинг махфийлик даражаси миллий хавфсизлик бўйича хавотир уйғотиши мумкин. Хусусан, файлларда ҳарбий хизматчилар ва фуқаролик ходимларининг лавозимлари ҳақидаги маълумотлар бўлган.
ДМДС Пентагоннинг кадрлар бўйича асосий маълумотлар базаларидан бири ҳисобланади. Унда амалдаги ҳарбий хизматчилар, резервчилар, фуқаролик ходимлари, пудратчилар, пенсионерлар, фахрийлар ва ҳарбийларнинг оила аъзолари ҳақидаги ҳужжатлар сақланади.
Пентагон маълумотига кўра, ҳозирча қўлга киритилган маълумотлардан ёвуз мақсадларда фойдаланилганини кўрсатувчи аломатлар аниқланмаган.
Аввалроқ, 23-сентабр куни АҚШ Федерал қидирув бюроси ҳам ўзининг иш ўринлари эълон қилинадиган сайтига эҳтимолий киберҳужум ҳақида хабар берган эди. Ўша ҳодисадан қанча одам жабрлангани ҳозирча номаълум.