АҚШ Олий суди Трамп маъмуриятига мигрантларни учинчи мамлакатларга депортация қилишни қайта бошлашга рухсат берди
АҚШ Олий суди президент Дональд Трамп маъмуриятига мигрантларни учинчи мамлакатларга қайтариб юборишни қайта бошлашга рухсат берди. Оқ уй ушбу амалиётни ўтган йили иммиграция чораларини кучайтириш доирасида жорий этган эди.
АҚШ Олий суди Трамп маъмуриятига мигрантларни учинчи мамлакатларга депортация қилишни қайта бошлашга рухсат берди
АҚШ Олий суди президент Дональд Трамп маъмуриятига мигрантларни инсон ҳуқуқлари билан боғлиқ асосларга кўра депортация устидан шикоят қилиш имкониятини бермасдан, уларни яна учинчи мамлакатларга чиқариб юборишга рухсат берди, деб хабар қилмоқда
Суд ушбу тартибнинг қонунийлиги бўйича ҳали якуний қарор қабул қилгани йўқ. Иш бўйича батафсил тингловлар декабрь ойига белгиланган, суд эса ўз ҳукмини 2027 йилнинг июлигача эълон қилишни режалаштирмоқда.
Ушбу амалиётни Трамп маъмурияти ўтган йили иммиграция сиёсатини кучайтириш доирасида жорий этган эди. АҚШ мигрантлар келиб чиққан мамлакатлар уларни қабул қилишдан бош тортган вазиятларга дуч келган. Бундай ҳолларда Трамп мигрантларни, ҳатто улар билан ҳеч қандай алоқаси бўлмаса ҳам, учинчи мамлакатларга депортация қилишни таклиф этган.
CNN маълумотларига кўра, ушбу дастур доирасида аллақачон 25 мингга яқин мигрант депортация қилинган.
2025 йилнинг февралида АҚШ бир нечта Осиё давлатлари, жумладан, Ўзбекистондан келган мигрантларни Коста-Рика ва Панамага депортация қилгани хабар қилинган эди.