АҚŞ ва Исроил Эронга янги зарбалар бериş режасини тайёрламоқда — ОАВ

АҚŞ ва Исроил Эронга қарши янги зарбалар режасини тайёрламоқда — ОАВ

АҚŞ ва Исроил дипломатик саъй-ҳаракатлар самара бермаса, Эронга қарши навбатдаги ҳарбий операция режасини ишлаб чиқмоқда. Бу ҳақда Ахиос нашри Америка ва Исроил расмийларига таяниб хабар берди. Портал маълумотига кўра, томонлар келишувга эриша олмаса, эҳтимолий ҳарбий кампания АҚŞ Конгрессига оралиқ сайловлардан кейин бошланиши мумкин.

Ахиос манбаларининг айтишича, иттифоқчилар бир ҳафталик операция ўтказиш имкониятини кўриб чиқмоқда. Унинг доирасида Эроннинг ядровий обьектлари, энергетика инфратузилмаси ва мамлакат олий раҳбарияти вакилларига зарбалар берилиши мумкин. Ҳаракатларни мувофиқлаштириш мақсадида АҚŞ Қуролли кучлари Марказий қўмондонлиги (СЕНТСОМ) қўмондони, адмирал Бред Купер Исроил мудофаа армияси Бош штаби бошлиғи Эял Замир билан учрашди.

Айни пайтда минтақавий воситачилар, жумладан, Қатар можаронинг янада кескинлашувига йўл қўймаслик йўлларини излашда давом этмоқда. Ахиос маълумотига кўра, улар Теҳронни санксияларни қисман юмшатиш эвазига Халқаро атом энергияси агентлиги (МАГАТЕ) инспекторларининг ядровий обьектларга киришига рухсат беришга кўндиришга уринмоқда.

Шу жараён фонида Вашингтон Эрон билан музокараларни қайта тиклаш учун дипломатик қадамлар ташламоқда. Тҳе Валл Стреет Жоурнал маълумотига кўра, АҚŞ вице-президенти Жей Ди Венс президент Доналд Трамп кўрсатмасига биноан Эрон Олий миллий хавфсизлик кенгаши котиби Муҳсин Ризоийга мактуб юборган.

Газета манбаларининг таъкидлашича, Венс томонлар ўртасида музокараларни давом эттириш ва Трампни яқин ҳафталарда ҳарбий ҳаракатларни қайта бошлашдан воз кечишга ишонтириш учун етарлича умумий нуқталар мавжудлигини аниқлашга ҳаракат қилмоқда.

Нашр маълумотига кўра, мактубда тинчликка эришиш бўйича аниқ таклифлар баён этилмаган.

ВСЖ шунингдек, Венс омма олдида Эронга қарши ҳарбий ҳаракатларни қўллаб-қувватлаётганига қарамай, хусусий суҳбатларда операцияни давом эттириш зарурати юзасидан шубҳалар билдирганини қайд этади.

Аввалроқ Трамп АҚŞ Конгрессига оралиқ сайловлардан кейин Эронга янги зарбалар берилиши мумкинлигини истисно қилмаган эди. Шу тариқа, ҳарбий ссенарий тайёрланаётгани ҳақидаги ОАВ хабарлари фонида дипломатик алоқалар ҳам давом этмоқда.

Июн ойининг ўрталарида АҚŞ ва Эрон тинчлик жараёни учун бошланғич нуқта бўлиши керак бўлган меморандумни имзолаган эди.

Бироқ келтирилган маълумотларга кўра, уч ҳафта ўтгач, зарбалар қайта бошланган. Кейинги можарони ҳал қилишга қаратилган уринишлар эса ҳозиргача келишувга олиб келмаган.