Андижонда яна учта йўл ўтказгич қурилади — президент
Андижонда яна учта йирик йўл ўтказгич қуриш режалаштирилмоқда. Улар Миллий тикланиш ва Навоий, Ўзбекистон ва Бобур, шунингдек, Амир Темур ва Янги айланма йўли кўчалари кесишмасида барпо этилади. Шунингдек, Асака тумани марказини айланиб ўтувчи кўприк қурилмоқда.
Андижонда яна учта йўл ўтказгич қурилади — президент
Андижон вилоятида 2027-йилда яна учта йирик йўл ўтказгич барпо этилади. Бу ҳақда президент Шавкат Мирзиёев 24-сентабр куни ўтказилган йиғилишда маълум қилди.
Улар Миллий тикланиш ва Навоий кўчалари, Ўзбекистон ва Бобур кўчалари, шунингдек, Амир Темур кўчаси ва Янги айланма автомобил йўли кесишмаларида қурилади. Бундан ташқари, Асака тумани марказини айланиб ўтувчи кўприк ҳам фойдаланишга топширилади, деди у.
Бир кун аввал давлат раҳбари вокзал яқинида Бобур шоҳкўчасининг икки қисмини боғлаган кўприкни кўздан кечирган эди. Лойиҳа қиймати 271 миллиард сўмни ташкил этган.