Анатолий Кашпировский вафот этди — машҳур совет психотерапевти ва телебошловчиси
Анатолий Кашпировский вафот этди — таниқли совет психотерапевти ва телекўрсатувлар бошловчиси
1980-йиллар охирида телевизион психотерапия сеанслари миллионлаб совет томошабинларини экран қаршисига тўплаган Анатолий Кашпировский 87 ёшида вафот этди. Бу ҳақда 3 октябрь куни телекўрсатувлар бошловчиси Андрей Малахов маълум қилди. Ўлимни Кашпировскийнинг директори Сергей Рудых ҳам тасдиқлади.
"Афсуски, Анатолий Михайлович бугун эрталаб соат 6.45 да, 87 ёшида вафот этди", — деди Рудых.
Кашпировский 1980-йиллар охирида телевизион психотерапия сеанслари туфайли кенг шуҳрат қозонган эди. Марказий телевидение эфирида у оммавий сеанслар ўтказган ва экран орқали томошабинларнинг аҳволига таъсир кўрсата олишини таъкидлаган. Унинг кўрсатувлари кўп миллионли аудиторияни тўплаган ва сўнгги совет телевидениесининг энг кўзга кўринган ҳодисаларидан бирига айланган.
Кашпировский 1939 йил 11 августда туғилган. У Винница тиббиёт институтини тамомлаган ва руҳий касалликлар шифохонасида психотерапевт бўлиб ишлаган. Кейинчалик оғир атлетика бўйича СССР терма жамоасининг шифокор-психотерапевти бўлган.
1993 йилда Кашпировский биринчи чақириқ Давлат думаси депутати этиб сайланган.
Кейинги йилларда у жамоатчилик олдида чиқиш қилишни ва ўз сеансларини, жумладан, интернетда ўтказишни давом эттирди, бироқ вақт ўтиши билан жамоатчиликка камроқ кўриниш берадиган ва интервью берадиган бўлди.
Яқинларининг сўзларига кўра, Кашпировский ёши билан боғлиқ табиий сабабларга кўра ҳаётдан кўз юмган.