Америкада аёл фарзандини отасига бериб юбормаслик учун уни ўлдирди

Америкада бир аёл фарзандини отасига бериб юбормаслик учун уни ўлдирди.

АҚШда 36 ёшли Медлин Вероника Дейли исмли аёл 11 ойлик ўғлини ўғирлаб кетиб, унинг юзига ўқ узган. Унинг мақсади фарзандининг отасига васийлик ҳуқуқи берилишининг олдини олиш бўлган. Бу ҳақда “Zakon.kz” нашри Тҳе Нев Ёрк Пост нашрига таяниб хабар берди.

Маълум бўлишича, аёл боланинг отаси ихтиёрига берилишини белгиловчи суд қароридан норози бўлган. Шундан сўнг у ўғлини Ваёминг штатидан Ню Мексико штатига олиб қочган. Ҳуқуқ-тартибот идоралари ходимлари уни Силвер Сити яқинидаги автофургонлар тураргоҳидан топган. Полиция унинг автофургон ичига қочиб кириб кетганини кўриб, фургонни ўраб олган ва ичкарига кириш учун ордер кутишган.

Тергов вақтида Медлин Дейли ўғлини отаси ва унинг қариндошларидан “сақлаб қолгани” учун бу қилмишидан афсусда эмаслигини айтган. У эркак болага нисбатан ҳеч қачон молиявий, жисмоний эътибор қаратмаганини, меҳр кўрсатмаганини таъкидлаган.

Суд жараёнида аёл айбига иқрор бўлган. Прокурорларнинг маълум қилишича, унга нисбатан энг оғир жазо — умрбод озодликдан маҳрум қилиш жазоси тайинланиши кутилмоқда.

26-август куни Россияда икки ўсмир “Калмар ўйини” таъсирида 12 ёшли мактаб ўқувчисини ўлдирганди. 12 ёшли бола ўша куни Кабаново қишлоғида йўқолиб қолган. Болани қидиришга кўнгиллилар жалб этилган. Кейинги куни унинг жасади кўплаб пичоқ жароҳатлари билан ташландиқ бинонинг ертўласидан топилган.