Airbnb’нинг янги қоидаларига кўра, уй эгалари энди меҳмонлардан тўшак-жойларни йиғиб олишни ва идишларни ювишни талаб қила олмайдилар
Янгиланган сиёсат 20 ноябрдан бошлаб ёки ундан кейин жойлаштириш сайтида банд қилинган барча бронларга нисбатан қўлланилади.
Airbnb меҳмондошлари янги қоидаларга кўра энди меҳмонлардан тўшакларни йиғиб олишни ва идишларни ювишни талаб қила олмайдилар
Идишларни ювиш ва жойига қўйиш Airbnb меҳмонлардан одатда бажаришни кутмаслиги кераклигини айтган уй юмушлари сирасига киради.
Airbnb мулк эгалари меҳмонлардан нималарни талаб қилиши мумкинлигини, шу жумладан тозалашга оид қоидаларни чеклаш учун ўз қоидаларини қайта кўриб чиқди.
Янгиланган кўрсатмаларга кўра, меҳмондошлар энди еттита стандарт уй қоидасини белгилашлари ва бошқа «оқилона» илтимосларни ҳам киритишлари мумкин.
Airbnb тозалаш тўловини тўлаши шарт бўлган меҳмонлардан одатда фаррош томонидан бажариладиган вазифаларни, масалан, идиш-товоқларни ювиш ва тўшакларни йиғиб олишни сўрамаслик кераклигини айтмоқда.
Янги қоидалар жойлаштириш платформасида 20 ноябрдан бошлаб банд қилинган барча буюртмаларга нисбатан қўлланилади.
«Уй қоидалари меҳмонларга меҳмондошлар нимани кутаётганини тушунишга ёрдам беради, аммо ҳамжамиятимиздан улар чалкаш, оғир ва бошқариш қийин бўлиши мумкинлигини эшитдик», — деди Airbnb BBC’га.
«Шу сабабли, кутилмаган ҳолатларсиз, сўровларни оқилона ушлаб турадиган янги сиёсат билан бир қаторда, уларни топишни осонроқ ва белгилашни аниқроқ қилиш учун қайта ишлаб чиқдик».
Airbnb веб-сайтидаги янги талабларга кўра, меҳмондошларга одатда меҳмонлардан «сезиларли ҳаракат ёки вақт талаб қиладиган ёки одатда фаррош томонидан бажариладиган вазифаларни, шу жумладан тўшакни йиғиб олиш, чиқиндиларни ҳудуддан ташқарига олиб чиқиш ёки идиш-товоқларни ювиш ва жойига қўйишни» сўраш тақиқланади.
Компания баъзи вазиятларда истисноларга рухсат берилиши мумкинлигини айтди. Масалан, агар маҳаллий қурғоқчилик билан боғлиқ сув чекловлари мавжуд бўлса, меҳмонлардан душ қабул қилиш вақтини чеклаш сўралиши мумкин.
Уй-жой қоидалари бундан буён меҳмонларга сезиларлироқ кўринади ва буюртма эслатмаларида ҳам пайдо бўлади.
Шартномаларга фақат чекланган ҳолларда, шу жумладан қонун ҳужжатлари ёки уй эгалари ширкати қоидаларида талаб қилингандагина рухсат берилади.
Компания меҳмондошлар жарима сола олмаслигини, аммо улар ҳали ҳам ўзларининг уй қоидалари ва сўровларини назорат қилишларини айтди.
Агар меҳмондошнинг сўрови Airbnb сиёсатига мувофиқ келмаса, у белгиланади ва мулк эгаси рози бўлмаса, шикоят қилиши мумкин.
Йиллар давомида меҳмонлар чиқиб кетишдан олдин бажаришлари керак бўлган асоссиз вазифалар бўйича, айниқса тозалаш тўловларини тўлашлари шарт бўлганлиги сабабли шикоят қилишган.
Airbnb меҳмондошлари Кесси ва Жоннинг меҳмонлар чиқиб кетганидан сўнг АҚШнинг Жоржия штатидаги ижарага бериладиган мулкини синчиклаб текшираётгани акс этган TikTok видеолари яқинда тафсилотларга эътибор қаратгани учун вирус каби тарқалди.
Видеолардан бирида эр-хотин меҳмонларни телевизор пультини жойида қолдирмагани учун «уй қоидаларини ҳурмат қилмасликда» айблайди.
Улар ўзларининг қатиқ қоидалари ва юқори стандартлари учун танқидга учрашди, аммо бунга жавобан уларнинг контенти нотўғри талқин қилинганини айтишди.
Уларнинг видеолари бошқа контент яратувчиларини ҳам қатиққўл меҳмондошларни пародия қилишга илҳомлантирди.