1 сентябрдан нималар ўзгаради

1-сентябрдан бошлаб Ўзбекистон қонунчилигида бир қатор муҳим ўзгаришлар кучга киради. Norma.uz портали ушбу янгиликларнинг батафсил шарҳини тақдим этди.

**Қишлоқ хўжалиги ва иқтисодиётда:**

* Аграр соҳада урғочи наслдор қорамолларни сақлаш харажатларининг бир қисми Давлат бюджети ҳисобидан субсидияланади.

* Бюджет ташкилотлари ходимларининг иш ҳақи ва стипендиялар миқдори 7 фоизга оширилади.

* Меҳнатга ҳақ тўлашнинг энг кам миқдори (МҲТЕКМ), базавий ҳисоблаш миқдори (БҲМ), давлат божлари ва якка тартибдаги тадбиркорлар учун ижтимоий солиқ миқдорлари оширилади.

**Транспорт соҳасида:**

* Газ баллон ускуналари бўйича техник кўрикдан ўтмаган автомобилларга газ қуйиш тақиқланади.

* Барча турдаги автомобилларга ёқилғи қуйиш шохобчалари ва газ қуйиш иншоотларида, шу жумладан ўз эҳтиёжлари учун ёқилғидан фойдаланадиган объектларда ортиқча босим остида ишлайдиган, хизмат муддати ўтган ёки ишлаб чиқарилган санаси номаълум бўлган ускуналардан фойдаланиш чекланади.

* Йўловчилар автоматлаштирилган тўлов тизими терминаллари билан жиҳозланган автобусга чиқишда йўл ҳақини тўлашлари шарт.

* Пойтахт жамоат транспорти ва шаҳар атрофи темир йўл йўналишларида йўл ҳақини тўлашнинг интеграциялашган тизими, шу жумладан "электропоезд – автобус" ва "электропоезд – метро" тариф режалари жорий этилади.

**Туризм ва маданиятда:**

* Туризмни қўллаб-қувватлаш жамғармаси ҳисобидан хорижий давлатлардан таклиф этиладиган туроператорлар вакилларининг транспорт, яшаш ва овқатланиш харажатларининг бир қисми қопланади. Шунингдек, маҳаллий туроператорларнинг хориждаги ахборот-тушунтириш тадбирлари бўйича харажатларининг 25 фоизигача (лекин 500 млн сўмдан кўп бўлмаган) қисми қопланади.

* Асосий фаолияти консерт томошалари, кинематография, болалар учун контент яратишдан иборат бўлган субъектлар, нодавлат театрлар ва театр-студиялар, шунингдек, маданият ва санъат йўналишидаги хусусий таълим ташкилотлари ҚҚС, фойда солиғи, айланмадан олинадиган солиқ, ер солиғи ва мол-мулк солиғидан, уларда фаолият юритувчи ходимлар эса – ЖШДСдан озод этилади.

* Бюджетдан молиялаштириладиган театрлар ва консерт-томоша муассасаларида фаолият юритувчи рақс жамоалари бадиий раҳбари, балетмейстери, репетиторлари ва балет артистларининг лавозим маошларини белгилашда тариф коеффициентлари миқдори 2 бараварга оширилади.

**Ижтимоий соҳада:**

* Алоҳида таълимга эҳтиёжи бўлган болаларни таълимга жалб қилиш бўйича "оилабай" ишлаш тизими жорий этилади. Бунда ижтимоий ходим ота-оналарга таълим ва ижтимоий хизматлар олишда амалий кўмак кўрсатиб боради.

* Коррексион синф ташкил этган нодавлат мактабларга ушбу синфда таълим олаётган ҳар бир ўқувчи учун давлат томонидан субсидиялар ажратилади.

* "1146" қисқа рақамли ишонч телефони орқали одам савдосидан жабрланган шахсларнинг мурожаатлари қабул қилинади. Уларга ижтимоий, психологик, ҳуқуқий ва бошқа масалалар бўйича маслаҳатлар берилади.

* Бошпанасиз шахсларнинг розилигисиз уларни суд қарори асосида ижтимоий марказларга жойлаштириш амалиёти бекор қилинади. Улар фақат ўз розилиги билан жойлаштирилади, вақтинчалик бошпана, озиқ-овқат ҳамда шахсий гигиена воситалари билан таъминланади.

* Бошпанасиз шахсларнинг бандлигини таъминлаш янги қоидалар асосида амалга оширилади.

* "Чуқур даражадаги ақлий заифлик" ташхиси қўйилган 18 ёш ва ундан катта ёшдаги шахсларни парваришлаш билан банд бўлган қонуний вакилга ўзгалар парваришига муҳтож бўлган 18 ёшгача бўлган ногиронлиги бўлган болани парваришлаш бўйича нафақа миқдорида ҳар ойда парваришлаш нафақаси тўланади.

**Спорт ва инфратузилмада:**

* Спорт мактаблари ходимларига оммавий спорт тадбирлари иштирокчиларини ривожлантириш ва саралаш ишлари ҳамда спорт натижалари учун базавий иш ҳақига ҳар ойлик қўшимча устамалар тўланади.

* "Ўзсувтаъминот" томонидан фойдаланишга топширилган барча инфратузилмани ривожлантириш лойиҳалари дастурларни амалга ошириш мониторинги ахборот тизимида акс эттирилади.

**Бошқа муҳим ўзгаришлар:**

* 4–6 сентябр кунлари Самарқанд шаҳрида Парламентлараро иттифоқ Ёшлар парламенти аъзоларининг ХИИ Бутунжаҳон конференсияси бўлиб ўтади.

* Электрон давлат харидлари тизимида ауцорсинг хизматларини ташкил этиш учун махсус саҳифа ишга туширилади.

* 17 сентябрга қадар бир қатор корхона ва ташкилотлар спиртли ичимликлар ва тамаки маҳсулотларининг зарари тўғрисидаги ахборот панелларининг янги намуналарини тайёрлашлари ва жойлаштиришлари лозим.